ఆగుమా...ఆగుమా...

ఆగుమా..ఽఅగుమా...
_________________

ఆగుమా .ఽఅగుమా .... మమ్ము వదలి పొకుమా...
ఎచ్చటికి  నీ పయనము , ఏమిటో మా నేరమూ ॥ ఆగుమా ॥

ఎందుకు నీ మనసులోనికి
వచ్చెనీ విచారమూ .... ॥ 2 టైమ్స్

యాగమహిమలు  , యోగమహిమలు
చూపు లీలలు నీవి కావా ....
 రాగములు , అనురాగముల చవి
చూపు సఖుడవు నీవు కావా,....
భోగ భాగ్యములిచ్చు దాతవు
నీకు ఈ వైరాగ్యమేల ....
చావు ,పుట్టుక లేని వాడవు

నీకు మృత్యువు బాధ లేలా ... ॥

ప్రాణముండగ  , ప్రాయముండగ 

క్షణము తపమును వీడలేదు ..

  మానవులమౌ మాదు  వేల్పుగ 

నీవు చూపని మహిమ లేదు 

మాదు  కొరకై , మంచి కొరకై 

మహిని శాంతిని నిలుపు చాలు 

మర్మమెరుగని సాయి సద్గురు 

త్యాగమేల..? సమర్పణేలా ..... ? ॥ 

నీవు లేవను తలపులే మా 

ఊహ కందని బాధలే .... 

నీదు పలుకులు వినని మాకిల 

బ్రతుకు వేదన , బరువులే ... 

నీవు చూపిన మమతయే మా 

మనసు మెచ్చిన చెలిమిలే .. 

నీవుగాకను ఎవరు మాకిల 

తొడు-నీడగ ..నిలుతురే .... ॥

రచన , శ్రిీమతి..

పుల్లాభట్ల జగదిీశ్వరిీముార్తి.

కల్యాణ్.

___________________________

__________________________

మన్నింపుమా నన్ను....

మన్నింపుమా ...నన్ను...
__________________

మన్నింపుమా నన్ను ,మాధవ రామా రమణ
ధ్యాన్నింపగా నీదు , నామము తలచేనుగా

కన్నులందు నీదు రూపు  కలకాలము నిలిపెదర
అన్యమింక  ఎరుగను , నా మొరలను విని బ్రోవరా 
         
  మొరలనువిని  బ్రోవరా ॥ మన్నింపుమా ॥

అందరిలో నీ రూపము గంటి నేను దేవరా
అవతారము లెత్తు నీవు ఆదరింప రావయా
కలియుగ అవతార సాయి సర్వము నీవే గదా
ఫలియింపగ నాదు కోర్కె తీర్చి అభయమీయరా ॥
                                                                   
                                     ॥మన్నింపుమా॥   

తల్లివైన , తండ్రివైన , గురు, దైవము నీవెగా
మల్లియల మాలలతో నీ పూజలు సేతురా
మనసు నాది మందిరమై నిన్ను నిల్పె వేల్పుగా
మానస పూజలు గొనుమా ,వేద మంత్ర సేవలుగా

    వేద మంత్ర సేవలుగా ॥ మన్నింపుమా..॥

__________________________________
____________________________________

సాయి సాయని పిలచినంత

       సాయి , సాయని పిలచినంత .
_______________________________


సాయి సాయని పిలచినంత
 సమాధి నుండే పలికినాడవు
గాధలను మా బాధలను విని
 మమ్ము దయతో నేలినాడవు ॥సాయి... ॥

మానవునివలె మసలినాడవు
మాట తప్పవు ,మంచి దాతవు
మంచి మాటలు నేర్పినాడవు
మాకు గురువై నిలచినాడవు ॥ సాయి... ॥

కొలచినంతనే కరుణతోడను
వలయు ప్రేమను పంచినాడవు
మర్మమెరుగని మాదు  వేల్పై
మంచి బాటను చూపినాడవు ॥సాయి... ॥

శరణమనుచూ వేడినంతనే
వరములొసగి బ్రొచినాడవు
షిరిడి పురమున సిరుల నెలవై
స్థిరముగా నువు వెలసినాడవు ॥సాయి... ॥

______________________________
_________________________________

శ్లోకం.

శ్లోకం :
-------
న  గురోరధికమ్ తత్త్వం , న  గురోరధికో తప:
న  గురోరధికం  జ్ఞానం   తస్మై  శ్రీ గురవే నమ:



శ్లోకం :
--------
వాణీ  గుణానుకథనే శ్రవణౌ కథాయాం
హస్తౌచ  కర్మ సుమనస్తవ పాదయోర్న:|
స్మృత్యాం  శిరస్తవనివాస  జగత్ప్రణామే
దృష్తి: సతాందర్శనేస్తు   భావత్తనూనాం || 

Sree Sai Harathi. (.namminavaarikade )

Sree Sai Haarati.(Namminavaarikade..)
శ్రీ సాయి హారతి .
-------------------------------------
నమ్మినవారికదే భవుడవు శ్రీ సాయీ , మా సాయీ
నమ్మకమిదె మా సమ్మతి మంగళ హారతి గొనుమోయీ ||

భోగములన్నియును విడచి యోగముతో శ్రీ సాయీ
యాగములెన్నొ చేసి యోగిగ భువి నిలచితివోయీ
నమ్మినవారికదే భవుడవు .....................(పూర్తిగా )

ద్వారక చావడిలో తపమును చేసితివీ శ్రీ సాయీ
ధర వరమందీ ,ధన్యత నొంది దీనుల బ్రోచితివీ
నమ్మినవారికదే భవుడవు .......................(పూర్తిగా)

సాధు మహా సంతా సద్గురు శ్రీ సాయీ వినుమోయీ
లేరిక భువిలో వేరే దైవము మాకిక గురు సాయీ
నమ్మినవారికదే భవుడవు ......................(పూర్తిగా )

పాపము పరిమార్చే దైవం సాయి హరే , శ్రీ సాయి పరే
పావనపాలకు-డీతని చరితము మా కిల వేదమదే
నమ్మినవారికదే భవుడవు ....................(పూర్తిగా)

షిరిడీ ధామమదే సాయీ వాసమదే నివాసమదే
కలదీ భూమికి పుణ్యపు చరితము, సమాధి వెలసెనదే
నమ్మినవారికదే భవుడవు ........................(పూర్తిగా)

సత్యము తాననుచూ దీనుల బ్రోతుననీ , పాలింతుననీ
సమాధినుండీ పలికిన సాయిని సన్నుతి చేయరదే

నమ్మినవారికదే భవుడవు శ్రీ సాయీ మా సాయీ
నమ్మకమిదె మా సమ్మతి మంగళ హారతి గోనుమోయీ....
|| మూడు సార్లు ||

అఖిలాండకోటి బ్రహ్మాండనాయక
రాజాధి రాజ యోగిరాజ పరబ్రహ్మ
శ్రీ శ్రీ శ్రీ సచ్చిదానంద సమర్ధ సద్గురు
శ్రీ సాయినాధ మహారాజ్ కీ జై ||

ఓం శాంతి , శాంతి , శాంతి:
----------------------------