జీవిత పోరాటం.

శీర్షిక .

జీవిత పోరాటం.

----------------------+

భగవంతుడు మనకిచ్చిన 

గొప్ప వరం , ప్రతీ కష్టాన్నీ.. 

తాత్కాలికంగా  మరచిపోవడం ॥

నిన్నటి నెత్తుటి గాయం  , ఈ రోజు 

ఉపశమనంతో, రంగుమారుతుంది.॥

గడచిన కష్టకాలపు స్మృతులు,

గడిచిపోతున్న సమయ -గమనానికి

చెల్లా చెదురై , మెదడు పొరల్ల్లో 

అంతర్లీన జ్ఞాపకాలై నిలిచిపోతాయి.॥

లేమి తనపు కన్నీటి మరకలు,

సంపాదన  నిండిన సంతృప్తి నవ్వుల

మాటున , వెలిసి, వెల-వెలబోతాయి.॥

బీదరికపు పాత చెలిమి ఛాయలు, 

కొత్త దనపు,కాంతి మాద్యాల మార్పుకు

మనసులో నే మరుగుపడిపోతాయి.॥

విరహవేదన నిండిన అంతరంగం,

మరో ప్రేమ కాసారంలో మునిగి

పద్మరాగమై పరిమళిస్తుంది.॥

ఎవరుా లేరన్న ఒంటరితనం, 

ఆశల ఆలోచనల విహంగమవుతుంది.॥

అన్నీ కోల్పోతుా కుాడా, 

ఆశలు-ఆశయాల పయనం, 

పరిమళాల  సుమ వీచికయై,  

మధురమైన స్వాంతన కలిగిస్తుా, 

మజిలీదాకా నెట్టుకు వెళ్తుానే ఉంటుంది.॥

నీదైనా' నీ చేతిలో లేని జీవితం

ఏ రోజు,  ఎలాగుంటుందో తెలీని ,

బ్రహ్మ రాతల, బంధాల నిలయం.॥

అన్ని అవాంతరాలనుా అధిగమించి

ఆనంద స్వప్న లోకాల్లో పయనిస్తుా- '

ఎడారిలో ఒయాసిస్సును చేరుకోవాలనే-

తపన నిండిన, సద్దుబాటు సాధనం.

ఇది.!  పోరాటాల పరుగు పందెం.

ఎందుకంటే..ఇది ,  కష్ట- సుఖాలు 

కలబోసిన   "జీవితం.".

-----------------------------------------

రచన, శ్రీమతి  -

పుల్లాభట్ల జగదీశ్వరీముార్తి.

కల్యాణ్.  ( మహరాష్ట్ర ).

---------------------------------------

                

                

                ---------------------