ద్విపద పద్యాలు

మహతీ సాహితీ కవిసంగమం-కరీంనగరం

ప్రతి రోజూ కవితా పండుగే

పర్యవేక్షణ: డా॥అడిగొప్పుల సదయ్య గారు

నిర్వహణ:శ్రీ బీరప్పొల్ల అనంతయ్య గారు

కవితా సంఖ్య:17

పేరు: కుందారపు గురుమూర్తి  కడప

అంశము: తిక్కన శిల్పంపు తెలుగు తోట

ప్రక్రియ:పద్యము (ద్విపద)

తిక్కన శిల్పంబు తిరుగులే నిదని

చక్కగ వివరించె చప్పన్న కవులు

హరిహర తత్వంబు నద్భతంబుగను

భారతంబున తీర్చె భక్తితో తాను

అలతి పదముల్చేర్చి యలరించె జనుల

విలువైన పద్యాల వేలల్లొ గూర్చి

తెలుగు సంస్కృతములు తీవోలెఁగలువ

పలు సమాస పదముల్పలికించె నతడు

కవి బ్రహ్మ యనుచును కవిరాజనుచును

భువిఁబినవీరుండు పొగడెఁదిక్కనను

తిక్కన శిల్పంపుఁదెనుగు తోటనుచుఁ

బెక్కుగా పొగిడెను విశ్వనాధుడును

రచనా శిల్పంబు రసరమ్యముగను

రచనలో వైవిధ్య రాజసముండు

నలుగడ తెలికన్ను నలుఁగాలి యనెడి

పలు పద బంధము ల్పట్టుగ వాడె