"క్ష " గుణింత కవిత

*క్ష* గుణింతంతో కవిత

శీర్షిక..క్షీణిస్తున్న మానవత్వం

*క్షణం క్షణం* ప్రకృతిని కాలుష్యంతో నింపేస్తూ మృత్యువునే కొని తెచ్చుకొంటున్న మనిషీ!..

*క్షు* ద్రమైన ఆలోచనలతో పుడమిని నిర్వీర్యం చేస్తున్నావ్..

*క్ష* ణికోన్మాదంతో విలాసాల బాట పట్టి, నీ శక్తులనే  కోల్పోయి దురభ్యాసాల పాలవుతున్నావ్..

*క్ష* ణికావేశానికీ లోనవుతున్నావ్..

*క్షితినీ, క్షితిజనీ* ఏకం  చేయాలనే విజ్ఞాన వీచికలు మానవుని

*క్షేమాన్ని* ఆశిస్తూ ఎన్నో ప్రయోగాలనే చేస్తున్నాయ్

*క్ష*ణమైనా విశ్రాంతి లేని యంత్రాలై అనవరతం శ్రమలనే చిందిస్తున్నాయ్..

*కానీ..*

*క్షీ*రసాగర మధనం లో గరళం పెల్లుబికినట్లు మనిషీ మనిషికి మధ్యన

*క్షీ*ణిస్తున్న 

ఆత్మీయానురాగాలు

*క్షా*మంలా ఎండిపోయిన మనసుల్లో ఆకలి తీరని ఆవేశాలు

*క్షు*ద్రంగా   మదమెక్కిన కామంతో

అమానుష కృత్యాలు

పెడదోవను పట్టిస్తున్నాయి..

*క్షే*మమే మీ *క్షే* మము కోరే పరిపాలనలంటూ

మనిషిని తాకట్టు పెట్టే

పాలనా యంత్రాంగాలు ..

*క్ష*మాగుణములనే మరిచి పగా ప్రతీకారాలతో రగులుతున్న ప్రతిహింసా ధోరణులు

*క్షు* రకత్తులతో మానవ మనుగడనే అంతం చేసే మారణహోమాలు

*క్షి* పణుల ప్రయోగాలతో, రక్తంతో తడిపే ఆగని నరమేధాలు..

*క్ష* ణమైనా ఇకనైనా ఇపుడైనా 

ఓ మనిషీ! స్థిరచిత్తంతో ఆలోచించుకో!

*క్ష*ళణభంగురమే నీ జీవితమంటూ తెలుసుకో

*క్షణం క్షణం* గడిచే ప్రతి క్షణం అమూల్యమైనది తెలుసుకో

*క్షే* మమునే, సంక్షేమమునే కాపాడుకొనుట నీ కర్తవ్యమని

మసలుకో

తక్షణమే నీ జీవితమును ఆనందంగా మలుచుకో..

*************