బాల సాహిత్యము

*మహతీ సాహితీ కవిసంగమం, కరీంనగరం*

తేదీ: *26-11-2022-శనివారం*

అంశము: *బాలసాహిత్యం(ల గుణింతం)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *లెక్క విప్పవమ్మ చక్కనమ్మ!*

ప్రక్రియ: *పద్యము*

*********************

*(1)*

*లయను కలిగి యుండు! లాలిత్యమే నిండు!*

*లిప్తలోన నిదుర! లీనమగును!*

*లాలి లాలి యనగ రాత్రిని మరిపించు!*

*లెక్క విప్పవమ్మ! చక్కనమ్మ!*

*(2)*

*లవకుశులకు తండ్రి! లంకేశునకువైరి!*

*లక్ష్మణునికి యన్న! లక్షణముగ!*

*లక్ష్మియయ్యె సీత! రాజిల్లె నతనితో!*

*లెక్కవిప్పవమ్మ! చక్కనమ్మ!*

*(3)*

*లిప్తపాటులోన రెక్కలే లేకుండ*

*లేచి జారుకొనును! లెస్సగాను!*

*లుప్తమైనవేళ రోదించ రాదయా!*

*లెక్క విప్పవమ్మ! చక్కనమ్మ!*

*(4)*

*లలితపదములుండు! లావణ్యమొలికించు!*

*లిపిని నేర్చినంత లిఖితమౌను!*

*లెస్స భాషలందు! లేతసొగసులతో!*

*లెక్క విప్పవమ్మ! చక్కనమ్మ!*

*(5)*

*లోకమంత మెచ్చు! రూపాయి వృథకాదు!*

*లోనయున్న తెలివి రూపమిదియె!*

*లక్షలెన్నియున్న రసనచే కలుగురా!*

*లెక్క విప్పవమ్మ! చక్కనమ్మ!*

*********************

హామీపత్రము: *స్వీయరచన*

*జవాబులు*

*1. లాలిపాట/జోలపాట*

*2. శ్రీరాముడు*

*3. కాలము/సమయం*

*4. మాతృభాష*

*5. లౌక్యం*

*పొడుపుకథలు/పజిల్స్ కు అవకాశం ఇచ్చినందుకు ధన్యవాదాలు*

*మీ*

*వేణుగోపాలుడు*

🙏🌹🙏🌹🙏