హయ ప్రచార రగడ*

హయ ప్రచార రగడ*

*లక్షణములు:-*

*1. ఇది త్రిస్ర గతికి చెందిన మూడు మాత్రల రగడ*

*2. ఇందులో మొత్తం 12 మాత్రలు ఉండును*

*3. అనగా మూడు మాత్రల గణములు నాలుగు ఉండును(3-3-3-3*

*4.ప్రాస నియమము గలదు(1.1-3.1*

*5. అంత్యప్రాస నియమము కలదు*

*6. మొదటి గణములోని మొదటి అక్షరమునకు మూడవ గణములోని మొదటి అక్షరమునకు యతిమైత్రి పొసగవలెను*

*6. ఉదాహరణకు ఒక హిమపాత వర్ణనము దిగువ చూడండి*

*1*

*తెల్లగ పడె తిన్నగ పడె*

*మెల్లగ పడె మృదువుగ పడె*

*2*

*చల్లగ పడె చక్కగ పడె*

*వెల్లగ పడె వృష్టిగ పడె*

*********************

ఒక జానపద రగడ చూడండి..

*చల్లగాలి చక్కలిగిలి!*

*మల్లెపూల మత్తున చెలి!*

*మామ రాక మరులు గొల్పె!*

*భామ చిలిపి పనులు సల్పె!*

*********************

28/02/2024.

మహతి సాహితీ కవి సంగమం.

ప్రక్రియ : హయ ప్రచార రగడ.

రచన : శ్రీమతి:  పుల్లాభట్ల జగదీశ్వరీమూర్తి .

కళ్యాణ్ , మహారాష్ట్ర.

శీర్షిక: రాధ నవ్వు.

--------------

మురళి పాట ముదమ దాయె.

స్వరము నాద స్వరమ దాయె!!

రాధ మనసు రగిలె చింత

వేదనాయె వెన్నెలంత

వేల తరుల వేడ్కసిరులె

పూల జల్లు ముచ్చటేలె.!!

చిన్ని తలపు   చిత్రమాయె

అన్ని మరచు అందమాయె.!!

వలచు చెలుడు పలుకడాయె

తలపు విడని తరుణ మాయె!!

నీలవర్ణు నీడ నవ్వె

లీల గనిన రాధ నవ్వె!!

----------------------

హయ ప్రచార రగడ.

ప్రక్రియ : హయ ప్రచార రగడ.

రచన : శ్రీమతి:  పుల్లాభట్ల జగదీశ్వరీమూర్తి .

కళ్యాణ్ , మహారాష్ట్ర.

----------------------------

"పాలు వద్దు". పలికెపాప.

బెక్కి పలికె బెట్టు చూప!!

అమ్మ తరచి  అరచి కోరె

పొమ్మనంచు పోరి కసరె !!

చిన్ని పాప చిన్న బోయె.

వన్నె లన్ని వడలి పోయె.

అమ్మ మనసు అమ్రుతముగ

చెమ్మ  కనుల చేరువవగ !!

పాప చేర పంచి ప్రేమ

పాప నొడిని పట్టెనమ్మ.

పాప నవ్వి పాలు తాగె

పాప జోల పాట కూగె !!