జీవితమే ఒక నాటక రంగం

మహతీ సాహితీ కవిసంగమం

ప్రతిరోజూ కవితా పండుగే

తేది:26-03-2024.

 ( మంగళవారం)

అంశం: నటీ-నటులు .

( కవితాసంఖ్య -02).

శీర్షిక: జీవితమే ఒక నాటక రంగం.

కవి: పుల్లాభట్ల జగదీశ్వరీమూర్తి.

 (కవిసంఖ్య -43)

కవిత:

---------

ఒక కళాకారుడిగా జీవితాన్ని 

కొనసాగిస్తున్న వారికి 

ఒక పాత్రలో ఇమిడిపోయి నటించడం అన్నది

నిజమైన పాత్రధారిగా ఒక సవాలే..

తమ "నిజ జీవితంలో" దుఃఖం ఉన్నప్పుడు

తెరపై "సంతోష పాత్ర " పోషించాలి.

తనకు ఎనలేని ఆనందంగా ఉన్నప్పుడు.

తెరపై "దుఃఖంగా ఉన్న పాత్ర "పోషించాలి.

తమ ఇంట్లో మరణానికి సంబంధించిన 

సంఘటన జరిగినప్పుడు కూడా

వస్తున్న. ఏడుపు ఆపుకుంటూ

నవ్వు తెప్పించే "కామెడీ పాత్ర" పోషించాలి.

ఐతే , ఈ నాటక రంగానికి

 కొన్ని గంటల్లో తెరపడుతుంది.

కానీ...

జీవితమే ఒక నాటక రంగం అన్నారు పెద్దలు.

అరువది నాలుగు  కళలున్న మనదేశంలో

మనిషి ఆడుతున్న నాటకాలకు తిరుగులేదు.

మనిషి జీవితంలో, కొన్ని సంఘ మర్యాదల కోసం 

మంచితనం అనే ముసుగు వేసుకొని

మసలడం ఒక  పెద్ద నాటకం !!

సామాన్యుడితో సహా ,రాజకీయ 

నాయకుల వరకు ఆడుతున్న ఈ నాటకంలో..

పట్టుబడని పాత్రలు ఎన్నో ,

పగిలిపోయిన గుండెలెన్నో....

కాల రాయబడుతున్న కథలెన్నో....

మానభంగాలకు గురైన ఆక్రోశాలెన్నో..

నలిగి నశించిపోయిన పసి ప్రణాలెన్నో..

అలసినా, ఆడుతున్నన్న తోలుబొమ్మలెన్నో...

తెరపడని ఈ నాటక రంగంలో,

అన్నీ తెలిసి కూడా అడ్డుపడలేని 

అసమర్థతలెన్నో....

ఈ "జీవితం" అనే నాటకానికి  

తెర పడేది ఎన్నడో...!!

హామీ పత్రం:

పై కవిత నా స్వీయరచన,దేనికీ అనువాదం కానీ,అనుకరణ కానీ కాదని హామీ ఇస్తున్నాను.

〰️〰️〰️〰️〰️〰️〰️〰️〰️〰️〰️〰️

కవి: పుల్లాభట్ల జగదీశ్వరీమూర్తి.

ఏడు రంగుల సమ్మేళనం 

స్వచ్చమైన తెల్లదనం .

శాంతికి నిదర్శనం.!!

ఆరు రుచుల సమతుల్య ఆహారం.

ఆరోగ్యానికి ఔషధం

ఆరోగ్మమే మహాభాగ్యం.!!

ప్రకృతి వలయం.

పంచభూతాలకు నిలయం.

జన జీవిత గతికి ఆధారం.!!

పుడమి నిండిన తరు వనం.

రంగులు నిండిన పూలతో ఘనం.

పరిమళాలు నిండిన మలయ మారుతం.!!

సూర్య చంద్రుల గమనం.

పగలు రాత్రులు, మధ్య  జనం.

ఉచ్ఛ్వాశ నిశ్వాసాల తోరణం!!

తరువులు విడచిన గాలి.

జనులందరి ఊపిరి.

వర్ణ బేధాలు చూపని సిరి!!

ప్రకృతితో నిండిన భూ ప్రపంచం.

ప్రపంచం నిండిన జన సందోహం.

వివిధ వర్ణాల, వర్గాల , రంగుల సంగమం. !!

బండరాయితో మలచబడిన భగవంతుడు

ప్రపంచ సృష్టి, స్థితి , లయల కారకుడు.

జాతి భేదాలు లేని జన్మల నియామకుడు!!

రసమయ ప్రపంచం లో రంగుల కలయికల దీపావళి

మైలపడిన మనసులను శుద్ధి చేసే రస కేళీ

సమత, మమత, సమైక్యతల రంగోలీ 

జాతి భేధాలను రూపుమాపే ఆనంద హోళీ !!

హామీ పత్రం:

పై కవిత నా స్వీయరచన,దేనికీ అనువాదం కానీ,అనుకరణ కానీ కాదని హామీ ఇస్తున్నాను.

〰️〰️〰️〰️〰️〰️〰️〰️〰️〰️〰️〰️