కర్మ గీతం ( జీవన వేదం )..

కర్మ గీతం ( జీవన వేదం )..

రచన: శ్రీమతి పుల్లాభట్ల జగదీశ్వరీముార్తి .

కల్యాణ్ మహారాష్ట్ర .

రాగం :  శుభపంతువరాళి. ( ముల్తానా)

పల్లవి: 

ఏనాటి కర్మల ఫలమొా గానీ

ఈ నాటి నా గతి ఈ విధి సామీ ॥

అనుపల్లవి:

నానాటి బ్రతుకులు నాటకమే సుమ్మి

సుఖ దుఃఖ బంధాల అనుభవముల చెలిమీ ॥

1. చరణం 

కపటపు మాటలు కల్మష చేతలు

మాయా జగతిని  మారని బాటలు

వికట విచారపు విస్తృత  కోటలు

ప్రకటము కాలేని  ఆత్మకు సంకెళ్ళు॥

2 . చరణం 

విడలేని బంధాలు వీడని కోర్కెలు

విధిరాత లీలల విషయాల వలలు

ఆతా నాత్మ విచారపు మాటలు

ఆశ నిరాశల అనుభవ పాఠాలు ॥

3.. చరణం 

కదలదు కాయము వీడదు ప్రాణము

చేరదు విడివడి ముక్తి సోపానము

తట్టదు మదిలో నీనామ స్మరణము 

కట్టడి బంధాల బరువులె శాపము ॥

4. చరణం 

స్వార్ధ చింతనలు  అర్ధ లోభములు

ఆత్మను వీడని అసలు స్వరుాపాలు ॥

చదివిన చదువులు చేసిన జపములు

ఫలముల నీయని నిష్ఫల జన్మలు.॥

5. చరణం 

కానని ధర్మము  చేయని న్యాయము 

మాటల తుాట్లతో చేసిన గాయము

స్వార్ధ చింతనల పొందిన సుఖము

వ్యధల భరితమౌ అవసానకాలము॥