శీర్షిక :చిరునవ్వు: ఒక నిశ్శబ్ద గీతిక ‌.

10.10.2025(శుక్రవారం)

మహతీ సాహితీ కవిసంగమం .

ప్రతిరోజూ కవితా పండగే .

అంశం: ఐచ్ఛికం 

రచన : శ్రీమతి : పుల్లాభట్ల జగదీశ్వరీ మూర్తి.(38).

శీర్షిక :చిరునవ్వు:   ఒక నిశ్శబ్ద గీతిక ‌.

కవితా సంఖ్య 02.

చిరునవ్వు, పెదాలపై విరిసే ఓ నిశ్శబ్ద గీతం 

మనసులోని వేదనను మరపించే అద్భుత దీపం.

అధరాల  విరుపులో దాగిన అలౌకిక ఆనందం.

మనిషిని మనీషిగా మార్చే మహిమాన్విత మంత్రం.!!

.మంచు తెరల మాటున మెరిసే తొలి సూర్య కిరణం.

చీకటిని చీల్చుకొని వెలుగు నింపే ఉషోదయం .

చల్లని గాలులకు కదిలే  లేలేత వసంతం పరిమళం.

అందరికీ ఆనందాన్ని పంచే  సుధా మాధుర్యం .!!

కోమలంగా విచ్చుకునే పూల సముదాయం .

మనసును ఆకర్షించే  సుమ సుగంధం .

ఆనందాన్ని ఇనుమడింప జేసే అక్షయ పాత్రౌషధం.

జీవితానందాన్ని పంచే  బంధానుబంధాల యానం.!!

ఎండిన నేలలో కురిసే తొలి చినుకు తడి .

నిర్మలమైన సెలయేటి గలగలల స్వచ్ఛత  సడి .

వేల రాసుల విలువైన సిరి వన్నెల దడి.

మనిషి మోములో చెరగని  కళల సందడి .!!

అహాన్ని  చల్లార్చే  చల్లని చంద్ర కిరణ సొన,

కలహాలు లేని లోకానికి కట్టిన ప్రేమ వంతెన .

మనిషి మనిషికి మధ్య బంధాన్ని బలపరిచే జాణ.

శత్రువుని కూడా మిత్రునిగా చేసే  మంత్ర ఘన !!

నవ్వులో ఆనందం అనుభవించు.

స్నేహపూరితమైన నవ్వుతో గెలుపు బాటలో పయనించు.

ఈ కవిత నా స్వీయ రచన.

సొన' :  వర్షం లేదా చినుకులు .

సోన : బంగారం', లేదా 'వేకువ',