వేయి పున్నాల వెలుగుతో మా యింట కొలువై నిలచిన ,పూజ్యులు ,వందనీయులు ఐన మా అత్తగారు " శ్రీ పుల్లాభట్ల ఈశ్వరమ్మ " గారి ఎనభైరెండవ జన్మదినోత్సవ సందర్భంగా వారి ఆశీర్వాదాభిమానాలని కోరుతూ కోడలు '' జగదీశ్వరీమూర్తి '' సమర్పిస్తున్న ' 'జన్మదిన శుభాకాంక్షల '' పారితోషిక కవితా కుసుమాంజలులు .
వేయిపున్నముల వెలుగు కనుల నిండగ
నేటి కిక నిండెను ఎనుబది రెండేండ్లు నిండుగ-- మేలు
పలుక ఇలకు ఏతె0 ఛిరి జేలు వేలుగా -- ఇంక
మా ఇంటను జరిగె సంతసాల పండగ !!
కొట్రా వారి కంటివెలుగు కొలువుదీరెగా --పుల్లా -
భట్ల రాయ " లింగమూర్తి '" ధర్మపత్నిగ --పుట్టి
నింటి వారి పేరు నిలుప శాంత మూర్తిగ -- మెట్టి
నింటి వారి మనసు దోచే ప్రేమ మూర్తిగ !!
నవరత్నాలింట పండె వేల్పు వరముగ -- భవ
బంధములే చుట్టు ముట్టె తీపి కలలుగ-- పుత్ర-
పౌత్రాదుల కాశిశులిడ పెద్ద తానుగ -- మిత్ర -
భావముతో పుత్రికలకు నిలిచె తోడుగ !!
ఏనాటికి వీడనిసిరి దైవ భక్తిగ -- ఇంట
కొలువుదీర్చి , కొలువుల కోవియాడే తపముగ --
విలువైన నుతులు ,కీర్తనలే నిత్య పూజగ --వేల
భజనల ,రాగాల విందు నైవేద్యముగ !!
కానరాని మురళి కధల కబురు లందగ -- వేణు
గోపాలుడే నడచి వచ్చె నీశ్వరి దెసగా -- స్తుతి
రత్నమాల రాసులబడి వెదకె బెదురుగ --
రాగాలు పలుకు వేణువు ఉనికదని తోచగ !!
ఆ సోముడు ఆమె కళల నమరెను దివిలో
శ్రీరాముడు వెదకె బంటు నీశ్వరి హృదిలో
వాణి బాసె పలుకులామె నాలుక పొదలో - అలి
వేణి అంబ నిలిచెను నవరత్న కీర్తిలో !!
యతి,ప్రాసలు గంతులేసే కందపు కృతిలో-- పూలు
రాగాలై కురిసేనామె గీత వనములో -- సం
గీత నిధిని వేదకిరి గంధర్వులు భువిలో -- కవులు
కళలు బాసి కేలు మోడ్చి నిలచిరి ఇలలో !!
కమ్మని కల నిజమాయెను కరుణ మీరగ -- అమ్మ
దీవెనలే ఫలియించెను నాదు వరముగ -- రామ
చంద్రుని పోలేటి పతికి ధర్మ పత్నిగ -- వాని
కన్న తల్లి ఈశ్వరమ్మ దీవెనలిడగా !!
సంగీతము, సాహిత్యము లిట వెలుగమ్మ
పడునారౌ కళలు ఇంటి నిలయమమ్మ -- అమ్మ
లాంటి మమత ,నిండు ప్రేమ పంచెడి కొమ్మ -- ఆమె
ఎవరో కాదు ,మా అత్తయ్య "ఈశ్వరమ్మ ".
రచన , పుల్లాభట్ల జగదీశ్వరీ మూర్తి .
