పాప పిపాసిని

రాత్రి నిద్దరలో విచ్చుకున్న
మస్తిష్కం, పగటి 
పాపాలని పనిగట్టుకొని
మరీ  ప్రతిపంబిస్తున్నాది.॥

పాలేరు నుంచి పనివాడి వరకు 
అందరినీ  అధికారబలంతో
అణగదొక్కుతుా,
అవమానిస్తుా , ఆనందిస్తున్న
నా క్రౌర్యాన్ని భుాతద్దం లో
చుాపిస్తుా ,భయంకరమైన
భీభత్సవాన్ని  శ్రుష్టిస్తున్నాది॥

కలత నిద్దురలో అలసిన
అంతరంగం
పగలు ముాగబోతోంది.
పనికిమాలిన ఆలోచనలతో
బుద్ధి  బురదగుంటలో
కుారుకు పోతున్నాది. ॥

ఏది చేసినా చెల్లుతుందనే
ధైర్యం  ఇచ్చిన అహంభావం -
ఆలోచనా రహితమై
ఆగడాల ఆనందాల్ని
ఆశగా జుర్రుకుటోంది.॥

రాత్రి జ్ఞాపకాల - భయం
కనపడని మాధవునికి
మధుర భక్ష్యాలు, మంగళ
హారతుల తో పాటు ,.
ముడుపులంచం ఇచ్చి
క్షమాభిక్ష  నడిగి - శాంతి
స్వాంతన పొందుతోంది.॥

మంచి చెడుల విచక్షణలను
విస్లేషించే  మస్తిష్కాన్ని 
మందలిస్తుా..ముళ్ళదారి
ఎంచుకున్న నా
బుధ్ధి నైజాన్ని
నవ్వుతుా భరిస్తోంది
నలిగిన నా మనసు.॥

రాత్రి కలిగిన పశ్చాత్తాపంకి
పగలు , వెలుగు  ముసుగేసినా
రాత్రి  నావెనకాలే నీడై
నన్ననుసరిస్తుా వెంబడిస్తోంది .॥

చేసిన పనుల చేదు నిజాన్ని
నిర్భయంగా  వెలికి తీసి
చుాపుతున్న  నా మన:స్సాక్షిని
నాలో ఉంచుకోలేకా.  .,-.
బయటకి పంపలేకా , నాలో
జరిగే  అంతర్మధనానికి
నాలో నేను--
బలైపోతున్నా సరే,

మనసు చుాసే
మధనాక్షువులకి  మసిపుాసి ,
గంతలుకట్టి  - నా
పాప చిట్టాలను
కరువుతీరా  పోషించుకునే
నిరంతర పైశాచిక
దుష్ట పాప పిపాసిని..॥

---------------------------------
రచన..శ్రీమతి ,
పుల్లాభట్ల జగదీశ్వరీముార్తి
కల్యాణ్.
-------------