కరోనా ...రోనా

👹 *సైలెంట్ బ్లాస్ట్*🔥

అకస్మాత్తుగా జీవితంలో

దిగ్భ్రాంత ప్రశాంతతలు...

నెత్తికెక్కిన మత్తు కళ్ళలో

బెదురు చూపుల మృత్యు ఘోషలు...

త్రీ ఫేజ్ బతుకులన్నీ 

ఫేటీల్మమంటున్నాయి..

వాడేసిన కండోమ్ లా 

నీరసపడుతున్నాయి..

మంత్రమా.. యంత్రమా...

ఎవరు చేసిన కుతంత్రమిది?

మతితప్పిన మనిషి తీరు 

గతితప్పిన ఫలితమా??

ప్రకృతిని చెరబట్టి వాడేసిన క్రూరత్వం...

పంచతత్వ పటిష్టతను వంచించిన తత్వం...

విత్తనాన్ని మరిచి, విషాన్ని నాటి,

పరిమళాలు ఆశిస్తే ప్రయోజనముంటుందా?

ప్రకోపమే దక్కుతుంది...

ఏవీ..?

ఆ మతాల దుర్మతుల అహంభావ ఆర్భాటాలు?

మందిర మసీదులు దందాల దుర్మదాంధాలు...

ఎక్కడ?

బాబాలు ముల్లాలు 

భక్త శిరోమణుల శుష్కవేదాంతాలు??

ప్రకృతి బలీయం..

ప్రకృతే బలీయం..

ఓ మనిషీ!

కరోనా నీకొక వరంగా వచ్చింది..

చేతుల్నే కాదిప్పుడు..

ఆత్మల్ని కడగాలి ..!!

            - సంగెవేని రవీంద్ర

🙏💐