అంజయ్య గౌడ్ గారి కరోనా పద్యాలు.

[3/22, 19:24] +91 90961 63962: నానా తిప్పలు బడుచును

ప్రాణములరచేత బట్టి పరుగిడు చుండన్

దీనావనులై వైద్యులు

మానుగ కాపాడుచుండ్రి మహిని కరోనా

నిద్రించక మావైద్యులు

భద్రముగా వైద్యశాల ప్రాంత ములోనన్

భద్రతకై మమ్ముంచగ

క్షుద్రపు కీటకమ నీకు క్షోభ కరోనా

నీవెంతగ బాధించిన

దేవతలై వెద్యులెల్ల దివ్యంబుగ మా

సేవలుజేయుచు నుండిరి

చావును దప్పింపగాను సతము కరోనా

ప్రజలందరు భీతిల్లగ

గజగజవణికించితీవు కాపట్యముతో

విజయము మాదే చివరకు

నిజదేశము పారిపొమ్ము నీచ కరోనా

పాపపు జననము నీదిక

దాపున నిలువంగబోకు దారిద్ర్యమ నీ

చూపే పడగూడదికా

తాపంబదికంబునయ్యె తరలు కరోనా 95

[3/22, 19:24] +91 90961 63962: భారత భూమిని నిలిచియు

పోరాటము సేయబోకు పోకిరిదానా

వారక మా వైద్యులు నిను

వారింతురు తప్పకుండ పాపి కరోనా

భీరము లాడరు నే భీ

మారైనను బెదరబోరు మావైద్యులు వి

స్తారముగ శ్రమించియు భీ

మారిని హరియింతురు విను మాయ కరోనా

మానవులను బాధించుచు

ప్రాణములనుదీయు నిన్ను బరిమార్చగ సు

శ్రేణులు సైంటిస్టులుని

ర్మాణాత్మక పాత్రలోన మనిరి కరోనా 100

మాముఖ్యమంత్రి సతతము

ప్రాముఖ్యత నిడుచు ప్రజల రక్షించుటకై

వేమరు శ్రమియించుచు తా

నీమరణము కోరుచుండె నిజము కరోనా

మేమందరమొక వారము

గ్రామమున చరించకను నిరం తరమింటన్

క్షేమముగా నుందుము మ

మ్మేమియు జేసెదవునీవు మిడత కరోనా