అందమైన పాట

పల్లవి : 

రెప్పవెనుక స్వప్నం కరిగిందా ఈ ఉదయం

ఉప్పెనున్న సంద్రంలా ఒణికిందా నీ హృదయం

జాడేదని వెలుగు కొరకు వెతికిందా నయనం

నీడ కోసం ఎదురుచూసి అలిసిందా కాయIIరెప్ప వెనుక II

చరణం: 1

అందమైన పొదరిల్లుగా అల్లుకున్న పేగు బంధాలు

అందించెను హృదయానికి అంతులేని మధురాలు

పెంచుకున్న ప్రేమలు దూర౫మైన సమయాన

పంచుకున్న గురుతులు వీడలేని తరుణాన

బతుకే ఇక భారమై.. పెనుచీకటి తీరమై

II రెప్ప వెనుక II

చరణం: 2

మీగాథలు మీబోధలు దారి చూపు దీపాలు

నడయాడిన ఆనవాళ్లు జాతికి నిర్దేశాలు

అది మరిచిన లోకంలో ఒంటరైన జీవితాలు

చేదోడుగ నిలిచేటి చేయూత కానరాక

వృద్థ్యాపమే శాపమై.. కన్నీటి పయనమై

I రెప్ప వెనుక II

----------రచన:రామకృష్ణ స్పందన-----------

9494353828