పాశురము 3 (భావార్ధం.)

🔯🔯🔯🔯🔯🔯🔯🔯🔯🔯🔯🔯

*మహతీ సాహితీ కవిసంగమం-కరీంనగరం*

*ధనుర్మాస కవితోత్సవాలు-2020*

🦚🦚🦚🦚🦚🦚🦚🦚🦚🦚🦚

పర్యవేక్షణ: *డా॥అడిగొప్పుల సదయ్య*

నిర్వహణ: *శ్రీమతి కె గీతాశైలజగారు*

🙏🙏🙏🙏🙏🙏🙏🙏🙏🙏🙏

*పాశురం(ఓంగి ఉళగళంద)-3*

_*రేపటి తిరుప్పావై మూడవ రోజు పాశురం*_

🕉🕉🕉🕉🕉🕉🕉🕉🕉

*ఓంగి ఉలగళంద ఉత్తమన్ పేర్ పాడి*

*నాంగళ్ నం పావైక్కు చ్చాత్తి నీర్ ఆడినాల్*

*తీంగిన్ఱి నాడేల్లాం తింగళ్ ముమ్మారి పెయ్దు*

*ఓంగు పెఱుం జెన్నెలూడు కయల్ ఉగళ*

*పూంగువళై ప్పోదిల్ పోఱిపండు కణ్-పడుప్ప*

*తేంగాదే పుక్కిరుందు శీర్ త్త ములై పత్తి*

*వాంగ క్కుడం నిఱైక్కుం పళ్ళల్ పెరుం పశుక్కళ్*

*నీంగాద శెల్వం నిఱైందేలోర్ ఎమ్బావాయ్*

*🌳భావము:🌳* 

ఈ వ్రతానికి ప్రధాన ఫలము శ్రీ కృష్ణ సంశ్లేషమే ! ఐనా దీనిని చేయటానికి అనుమతించిన వారికి కూడా ఫలితం కలుగుతుంది. బలిచక్రవర్తి నుండి మూడడుగుల దానాన్ని పొందిన శ్రీకృష్ణ పరమాత్మ అత్యంతానందాన్ని పొంది ఆకాశమంత ఎత్తుకెదిగి మూడు లోకాలను కొలిచాడు. ఆ పరమానంద మూర్తి దివ్యచరణాలను , అతని దివ్య నామాలను పాడి , యీ దివ్య ధనుర్మాస వ్రతాన్ని చేసే నిమిత్తం మార్గళిస్నానాన్నాచరిస్తే - దుర్భిక్షమసలు కలుగనే కల్గదు. నెలకు మూడు వర్షాలు కురుస్తాయి. పంటలన్నీ త్రివిక్రముని వలె ఆకాశమంత ఎత్తుకెదిగి ఫలిస్తాయి. పంటచేల మధ్యనున్న నీటిలో పెరిగిన చేపలు త్రుళ్లిపడుతూ ఆనంద సమృద్దిని సూచిస్తాయి. ఆ నీటిలో విరిసిన కలువలను చేరిన భ్రమరాలు అందలి మకరందాన్ని గ్రోలి మత్తుగా నిద్రిస్తాయి. ఇవన్నీ సమృద్దికి సంకేతాలే ! ఇక పాలు పిదుక గోవుల పోదుగలను తాకగానే - కలశాలు నిండునట్లు క్షీరధారలు అవిరళంగా నిరంతరంగా కురుస్తాయి. ఇలా తరగని మహదైశ్వర్యంతో లోకమంతా నిండిపోతుంది. కావున వ్రతాన్ని చేద్దాం రమ్మని సఖులందరినీ పిలుస్తోంది గోద !

   

 *☘️అవతారిక :☘️*

    

ఈ ధనుర్మాస వ్రతమెంతో శుభప్రదమైనది. దీని నాచరించుటవలన వ్రతాన్నాచరించినవారికే కాక లోకమునకంతకును లాబించును. ఇది ఇహపరసాధక వ్రతము. పిలిస్తే పలికేవాడు కృష్ణపరమాత్మకదా ! మరి విశేషంగా ఆరాధించిన వారికేకాక లోకానికంతకూ కల్యాణాన్ని కల్గించి శుభాలను చేకూర్చేవాడని వ్రతఫలాలను వివరిస్తోంది గోదాదేవి.

  *🌹3 వ మాలిక🌹*

*(మోహనరాగము - ఆదితాళము)*

ప.    హరి తిరువడులను కొలిచెదము

    తిరు నామములనె పాడెదము

అ.ప..    పెరిగి లోకముల గొలిచిన పాదము

    పరసాధనమని తెలిసి పాడుదము

1 చ.    వ్రతమును చేయగ స్నానమాడెదము

    ప్రతి నెల ముమ్మరు కురియు వర్షములు

    వితత సస్యముల నెగయు మీనములు

    మత్తిలి కలువల సోలు భ్రమరముల

2 ఛ.    బలసిన గోవుల పొదుగుల తాకగ

    కలశముల క్షీరధారలు కురియగ

    శ్రీలెయెడతెగని ప్రసారములో యన

    ఇల సిరులదూగు చేతుము వ్రతమును.