రైతు ఉద్యమ కవిత 6
చలి చొక్కా
- చిత్తలూరి
చలిప్పుడో
కొత్త చొక్కా తొడుక్కుంది
చొక్కా మీద
రైతు పోరు బొమ్మలు
విత్తనాలు చల్లే పిడికిళ్లు
గాల్లో బుల్లెట్లను ఒడిసిపడుతున్నాయి
ఆకుపచ్చ చిత్రాల్ని గీసే పనిముట్లు
ఆయుధాలుగా వ్యూహాలు రచిస్తూ
రోడ్డు మీద పరేడు చేస్తున్నాయి
చుట్టూ అలుముకున్న చలి నెగళ్లు
చలిని తరిమేసే పనిలో
నిమగ్నమయ్యాయి
చలి మంటలకు చేతులు
కాపడం పెట్టుకుంటున్న దేహాలు వేడెక్కి
పదునైన ఆయుధాలుగా రూపొందుతూ
సరికొత్త యుద్ధ వ్యూహాలు రచిస్తున్నాయి
చలి చొక్కా మీద
ఇపుడు తిరుగుబాటు బొమ్మలు
పిడికెళ్లెత్తిన చేతులు
చేతుల చివర నాగళ్లు
పలుగులూ పారలూ
ఇక నియంత పీఠం కింద
పెకలింపు మొదలైంది
- చిత్తలూరి
No comments:
Post a Comment