జ్ఞాపకం.

శీర్షిక .
జ్ఞాపకం.
వచన కవిత.
-----------
గుండెల్లొ చెప్పలేని వ్యధ, చలిస్తున్న కనురెప్పల్లో

కన్నీళ్ళు సంద్రమైనపుడు,నువ్వు జ్ఞాపకాల పడవలో 

నా ఊహల్లో ప్రయాణిస్తావు. క్షణికమైన అస్పష్టపు 

బాధ ముఖంపై నీలి నీడై ప్రతిఫలించినపుడు 

కన్నీటి చుక్కానివై నా చంపల్ని స్పృశిస్తావు.జీవితపు

ఆటుపోట్లు ముఖంలో అసహనపు ముడతలైనపుడు

తెరచాపతో దారిమళ్ళించి గతాల తీరాలకు

లాక్కుపోతావు.నువ్వు నన్ను వదిలి వెళ్ళిన జ్ఞాపకాల

భగ్నమైన మనసు ముక్కలు, భావాశృవు లై జాలువారి

కవితాక్షరాల ప్రణయ కావ్యాలై నపుడు ,నా కళ్ళలోని

నీ జ్ఞాపకాల పడవలో, నేనుకూడా ఒక తెడ్డు నై నీకు

తోడునవుతా..అంతవరకూ నా కలల అలలపై, ఒక

జ్ఞాపకానివై నిలచిపో ప్రియతమా...

------------------------------------------------
రచన , శ్రీమతి ,
పుల్లాభట్ల జగదీశ్వరీముార్తి.
కల్యాణ్ : మహారాష్ట్ర
8097622021
డిశంబరు 10/12/2020 .