జై జవాన్

7/08/2021.

శ్రీ  శ్రీ  కళావేదిక...లో

అంశం : జై జవాన్.

శీర్షిక : దేశభక్తి  , నిండు కీర్తి.

రచన : శ్రీమతి: పుల్లాభట్ల జగదీశ్వరీమూర్తి .

కల్యాణ్ : మహారాష్ట్ర

దేశ రక్షణకై  దేశ భక్తుల త్యాగ నిరతి

శత్రు పోరాటాలతో  జవానుల అమర కీర్తి

ముాడు రంగుల ఝండాలో నిండిన దేశ ఖ్యాతి

ధైర్య -సాహస సంపదకు మన జవానులే సాక్షి ॥

విజయమొా వీర స్వర్గమొా అన్నదే వారి ధ్యేయం

విలువ కట్టలేనిది జవానులైన వారి త్యాగం

కొన ఊపిరితో ఉన్నా కోరుకుంటారు దేశ సౌభాగ్యం

"భారత్ మాతాకు జై "అన్నదే వారి నినాదం ॥

అకలి దప్పులు ఎరుగని ధృడ సంకల్పం

దేశం కోసం వెరవక పోరాడే ఆత్మస్థైర్యం .

ఎండా , వానలకు జడవని మనస్తత్వం

కష్ట- నష్టాల బాటలో  నిత్యం, పోరాటం ॥

భార్యా బిడ్డల  సౌఖ్యమెరుగని జీవితం.

మృత్యుదేవత కౌగిలే వారికి విశ్రాంతి వాసం. ఆపదలనెదుర్కోవడమే జవానుల లక్ష్యం.

దేశభక్తే వారి జీవితాలకు శాశ్వతైశ్వర్యం . ॥

గతుకు రాళ్ళ వేటలో అలుపెరుగని పోరాటం.

 మందు గుళ్ళ బాటలో  రక్షణ లేని  ప్రయాణం

 దేశ రక్షణకై  అంతులేని ఆరాటం .          

దేశ కోసం  "జవాను" జీవితం అంకితం ॥

అందికే  "జై జవాన్ జైకిసాన్  ." అంటుా

చేసేరు "లాల్ బహదుార్ శాస్త్రీ"  నినాదం.

 దేశానికి వెన్నెముకలైన వారికి "జై జవాన్" అంటుా

 మనమందరం  కుడా ఇద్దాం సాదర గౌరవం ॥

 

హామీ:

"జై జవాన్ " కవిత  ఏ మాధ్యమునందునుా ప్రచురితంకాని నా స్వీయ రచన .