మమతల మంటలు

శీర్షిక : మమతల మంటలు.

మమతల కొలిమిలొ కాలుతున్న ఈ

మనసుకు ఏమని చెప్పేది?

 సమతా మమతా  లేని జగతిలో

 మందును ఎవరిని అడిగేది...?॥

రక్త బంధపు, అనురాగములే

నిలిచెను స్వార్ధపు చింతనలై...,

అర్ధము లెరుగని అవేశములై ,

అర్ధము కొరకు అనర్ధములై....॥

అమ్మా, అక్కా, చెల్లీ,. తమ్ముల  

బంధాలు బరువై  , పలచబడే !

అన్నలు ,అయ్యలే , వావీ వరుసల

బంధపు విలువకు శిలువేసే॥

కామపు కాటుల ,మంటలు రగిలే.

 దారుణ హత్యలె , ఆటగ చెలగే.

 ఏసిడ్, దాడుల ఏడ్పుల గోడులె,

 నిత్య కర్మ , క్రుత్యములై మిగిలె ॥

న్యాయం ,ధర్మం, కనులు ముాసుకొనె,

జాతి జగడములె  జగతిని నిండె.

నీతి -న్యాయముల, బాటలు బురదై,

బ్రతుకు శ్వాశలే  బరువాయె ॥

నారీ చింతన నెగడై ఎగసే.

మనిషే మ్రుగమై చెలరేగే....,  

చావుల చితి గని, భరతావని- 

కన్నీరె-ప్రళయమై- కోపించే ॥

చీకటి- వెలుగుల జీవన గతిలో..

నగవుల విలువలు దిగజారే ..

భార్యా బిడ్డల బాధ్యత , విధులే

బరువై  , బ్రతుకులే చితులాయే .. ॥..

అమ్రుతమె కరువై , విషపు జ్వాలలే

మింటికెగసె , హ్రుది మైలపడె..

మనిషే   మనిషికి , శత్రువు కాగా

"పగ" లే...మనిషికి  విధులాయే.॥

నాదీ -నీదను వాదపు సమరాన

రక్తమె ఝరులై  ప్రవహించే..

ధనమే జగతిని సాశించినదై...

వైరపు మంటల నెగదోసే ॥

మమతల మాటున మధన పడే

నా మనసుకు ఏమని చెప్పేదీ..?

ఎవరికి ఎవరుా కాని జగతిలో

ఎంత కాలమని బతికేది..॥

రగిలిన గాయపు మంటల నార్పగ

మందును ఎవరిని అడిగేదీ....?॥

మమతల కొలిమిలొ కాలుతున్న ఈ

మనసుకు ఏమని చెప్పేది..?॥

---------------------------------

రచన, శ్రీమతి

జగదీశ్వరీముార్తి.

కల్యాణ్. (మహరాష్ట్ర ).

---------------------------