నాన్నే నా హీరో

10/06/2022.

మనుమసిద్ధి కవన వేదికలో 

ఫాదర్స్ డే సందర్భంగా రాసిన కవిత.

అంశం : నాన్నే నా హీరో.

శీర్షిక : అలుపెరుగని శ్రామికుడు.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ .  మహారాష్ట్ర .

చెదరని గంభీరాకృతి

ధృడ సంకల్పానికి ప్రతీతి

 లక్ష్యం నిండిన  బాధ్యతలకు

వెనుకాడని నాన్న ప్రవృత్తి ॥

బంధాలే బాధ్యతగా

అలసటలే సుఖాలుగా

పిల్లల భవితోన్నతులే 

ఆనందాలైన వ్యక్తిత్వ రీతి ॥

 సుఖమన్నది కోరడెపుడు

 అలుపన్నది ఎరుగడెపుడు.

 బాధ్యత నిండినబరువుకు 

 అసహనంతో కుంగడెపుడు ॥

 

 మన జన్మకు కారకుడు

మన కోర్కెలు తీర్చువాడు

 మార్గదర్శి యై మసలెడు

 మంచి గురుని రుాపమతడు.।॥

 

 సంసారము సాకుటకు

 తన పిల్లల భవిత కొరకు

 తన సుఖములు పణముగనిడు

నాన్న నిండు త్యాగముార్తి  ॥

కర్షకుడై కార్మికుడై

 భరత మాత రక్షకుడై

 నిరంతరం కష్టపడే 

 నిదురెరుగని శ్రామికుడు॥

 

నాన్న రుాపములో దేముడు

అవని నవతరించి నాడు

నా పిలుపుకు స్పందించీ

నన్ను  గాచు "హీరో" అతడు॥

 హామీ :

 నా ఈ కవిత ఏ మాధ్యమునందునుా

 ప్రచురితం కాని నా స్వీయ రచన .

 

 ********************

ఫాదర్స్ డే సందర్భంగా రాసిన కవిత.

అంశం : నాన్నే నా హీరో.

శీర్షిక : అలుపెరుగని శ్రామికుడు.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ .  మహారాష్ట్ర .

నా నవ్వుల తోటకు నాన్న నీరు పొిసినాడు

నేనడిచే బాటలోవబాధ ముళ్ళు తిసినాడు॥

నే కోరిన కోర్కెలన్ని మమత నింపి తీర్చినాడు

నే నెదిగే బాట జుాపి భవిత  తీర్చి దిద్దినాడు ॥

ఎండైనా వానైనా కష్ట మంత ఓర్చునతడు.

అహర్నిశలు శ్రమియించే అలుపెరుగని యంత్రమతడు॥

నా జన్మ దాతగా జగతి మార్గదర్శిగా

నను నడిపే సారధిగా వెంటున్నది నాన్నేగా॥

నా కలలకు సాకారం నా భవితకు సహకారం

నాన్న లేని జీవితమే ఉనికిలేని ప్రయాణం ॥

కడుపు నింపి కాన్కలిచ్చి చదువుా సంస్కారమిచ్చి

నిలకడైన భవిత నొసగు నిత్య శ్రామికుడాతడు॥

నాన్న లేని బ్రతుకు సారో ! నాన్న లేని ఉనికి జోరో

నాన్న మించు వారు లేరు । నాన్నే నా సుాపర్  హీరో ॥

హామీ :

 నా ఈ కవిత ఏ మాధ్యమునందునుా

 ప్రచురితం కాని నా స్వీయ రచన .

 

 ********************

****************:*

ఫాదర్స్ డే సందర్భంగా రాసిన కవిత.

అంశం : నాన్నే నా హీరో.

శీర్షిక : అలుపెరుగని శ్రామికుడు.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ .  మహారాష్ట్ర .

నా బోసినవ్వులు కురిసే వెన్నెలలను 

తన ఆశల పల్లకిలో పరుచుకొని

నా ఉనికి ఉత్సాహాన్ని  ఆశయాల--

ప్రపంచానికి పరిచయం చేసినది నాన్న ॥

నా చిన్ని చిలిపి చేతల అసహనాన్ని

రాత్రి చెప్పే కధల రుాపాలకు జోడించి 

నా తప్పుల ఆచరణకు ఒప్పుల నడవడిక

 నేర్పిన  మొదటి మార్గదర్శకుడు నాన్న ॥

నా చిన్ని  కలల ప్రపంచాన్ని' నాకై

ఇలలో చుాపించేందుకు తన కష్టాలను

ఇష్టాలుగా మార్చుకొనే పోరాటాల ప్రతి

మాంత్రికుడు మా నాన్న॥

నే నడిచే ఎండకు గొడుగై , నేనాడే మాటకు 

 మంత్రమై, నా ఉజ్జ్వల భవితకు

ఆలంబనై నా నవ్వుల  ఆనందాన్ని

ఆస్వాదించే అనుభవ  సారం నాన్న ॥

అలుపెరుగని అహర్నిశల పోరాటాన్ని

జీవిత ఒడిదుడుకుల ఒరవడి గెలుపుగా

నా ఆశయాల నెరవేర్పుకై  అందించిన

 ఆశయ సాధకుడు మా నాన్న ॥

నాన్న నా అనుభవాల గెలుపుకు వేరు

నాన్న నా జీవిత గమనానికి చుక్కాని జోరు

నాన్న నా ఆనందాల తోటలో మొలకెత్తే నారు

అందుకే నాన్న ,హీరోను మించిన యాక్షన్ ష్టారు.॥

హామీ :

 నా ఈ కవిత ఏ మాధ్యమునందునుా

 ప్రచురితం కాని నా స్వీయ రచన .

 

 ********************

***************