నా దేశం ,నా తెలుగుకు నమస్సులు.

మహతీ సాహితీ కవి సంగమంలో 

అంశం :  నా దేశం ,నా తెలుగుకు నమస్సులు.

ప్రక్రియ : ఇష్టపది .

రుపకర్త : శ్రీ అడిగొప్పుల సదయ్యగారు.

రచన : శ్రీమతి : పుల్లాభట్ల జగదీశ్వరీముార్తి : 

కల్యాణ్ మహారాష్ట్ర .

యాబది యారక్షర యాస ఉన్నది తెలుగు

భక్తి, విభక్తులతో  భవిత వెలుగిడు తెలుగు.

అమ్మ పాడే పాట నలరారినది తెలుగు

పసి పాప నవ్వులో పంచు మధురిమ తెలుగు ॥

అక్షరపు కుార్పులో అందమున్నది తెలుగు

పద్య, గద్య, రచనల పంచదారల జిలుగు

కవన పుా దోటలో కావ్య భాషల వెలుగు

అందమైన భాషిది అమ్మ సాటీ తెలుగు ॥

జానపద తోటలో  జామపండీ తెలుగు

త్యాగయ్య పాటలో  రాగ భక్తికి వెలుగు

అన్నమయ్య నోటను అలరిన పాట తెలుగు

 వేద నాద ఘొాషల వెలుగు వెన్నెల తెలుగు ॥

మువ్వ గోప పదముల ముద్దులొలికిన తెలుగు

క్రిష్ణ దేవరాయల కీర్తి మకుటము తెలుగు

అష్ట దిగ్గజాలకు అలరు వన్నెల జిలుగు

అదె భాను తేజమై అవని వెలిగిన తెలుగు ॥

 కంద ఛంద అందపు కవుల కలమీ తెలుగు

 తేట గీతుల వేట తేనె పలుకీ తెలుగు 

  పద్య సీసము లోన  పలు గణముల పలుకుా

  ఆటవెలదుల గుాడి ఆడి పాడిన తెలుగు ॥

గోరేటి వెంకన్న గోడు గోసల వెలుగు ॥

చందమామ పాటల విందు లాలీ తెలుగు .

యొాగి వేమన నోట  యొప్పు నీతుల పలుకు

 పాడి పంటల సిరుల పల్లె పాటల పలుగు ॥

ఉద్యమాల బాటను ఊపు నిచ్చిన తెలుగు

నిత్య శాంతిని కోరి నినదించేనీ తెలుగు.

గిడుగు వారి బాటలో గొడుగు సరళపు తెలుగు

మన సంస్కృతి మాటకు మంచి బాటది తెలుగు ॥

పచ్చదనపు వనమున పసిడి మామిడి పుాత

పారు నదుల నీటిని పంచు జీవన దాత

ఆ సేతు హిమాచల ఆరక్షణపు కోట.

అవని నిండు ప్రకృతిని అభివర్ణించే పాట ॥

సంస్కృతి  సాంప్రదాయ సమ్మేళనము తెలుగు

కట్టు బొట్టు తీరుకు కళ నిండిన వెలుగు

వేల జేల వెలుగుకు వేదికైనది తెలుగు

భక్తి నిండు కొలువుల భావ గీతము తెలుగు ॥

పురాణేతి హాసపు పుట్టినిల్లిదీశ్వరి 

సర్వ మంగళములకు సాక్షిభుాతమీశ్వరి 

భుా మాత భారతికి భుాషణ మిది ఈశ్వరి

వేల జేల నమములు వెలుగు తెలుగుకీశ్వరి ॥

హామీ: 

పై ఇష్టపదులు నా స్వీయ రచనలు.