పల్లె.

[7/9 18:33] p3 503501: 07/09/2022.

మహతీ సాహితీ కవి సంగమం .

అంశం : పల్లె.

శీర్షిక : పాడి పంటకు కొలువు పల్లెటుార్లు.

పద్య ప్రక్రియ : ఆటవెలది.

రచన :

శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర

పచ్చనైన చేల  పలకరింపుల తోడ

పుాలజల్లు కురియు పుడమి నీడ

నిండు చెరువు నీట నిత్య తామరలున్న 

పరవసించు  ప్రకృతి  పల్లె మాది. ॥

సుప్రభాతము లిడు సుకపికా రవములుా 

రంగు పుాల వనపు రాసి తరులు 

సమత మమతల నిడు సమదృష్టి గలవారు

పంచు నిండు ప్రేమ పల్లె టుార్లు ॥

పలకరింపుల కడు  పలుప్రేమ బంధాలు

కలసి జేయు పనుల కళలు మెండు 

సభ్యతెరిగినట్టి సంస్కారములు నిండు.

దాన గుణములున్న దాతలుండు ॥

 

రచ్చబండ తీర్పు రక్షించు న్యాయాలు

రాజు-పేద యనెడు  రణము లేదు.

మేలు పండగలకు  మెప్పించు భాగ్యాలు.

వరుస మాన్య ధనపు వసుధ మాది  ॥ 

పాడి పంటలుగల పసిడి బంగరు భుామి.

గ్రామ దేవత మము  గాచు సుమ్మి.

భోగ భాగ్యములిడు బోనాల భోగాల

సందడించు పల్లె  సఖ్యముగను  ॥

వెన్న మీగడలతొ వెరసి వంటలు వేలు

పలుకు తేనె లొలుకు పల్లె లందు ॥

స్వాగతమ్ము మీకు  స్వాదు విందులకండి

పల్లె రుచుల తీరు పలుక రండి  ॥

***************************** ⚜️⚜️⚜️⚜️⚜️⚜️⚜️⚜️⚜️⚜️⚜️⚜️

*మహతీ సాహితీ కవిసంగమం -కరీంనగరం*

*నేటి ఉత్తమ పద్య కవులు:(07-09-2022)*

శ్రీ/శ్రీమతి 

1.డా.వేదాల గాయత్రీదేవి

2.గుడిపూడి రాధికారాణి

3.పుల్లాభట్ల జగదీశ్వరీమూర్తి

4.డా.బల్లూరి ఉమాదేవి

5.పోగుల భాగ్యలక్ష్మి

6.ఎలగందుల లింబాద్రి

7.ఎం వి ఉమాదేవి

*నిర్వాహక/సమీక్షక బృందము*

⚜️⚜️⚜️⚜️⚜️⚜️⚜️⚜️⚜️⚜️⚜️⚜️