పొర్ల వేణుగోపాల్ గారి రచన (బాల సాహిత్యం ).

*మహతీ సాహితీ కవిసంగమం, కరీంనగరం*

తేదీ: *08-10-2022-శనివారం*

అంశము: *బాలసాహిత్యం(న గుణింతం)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *నింగికి నిచ్చెన వేస్తాం!*

ప్రక్రియ: *బాలగేయం*

*********************

*నవతరానికి వారసులం!*

*నవోదయానికి భాస్కరులం!*

*నవయువ శక్తిని చూపిస్తాం!*

*నవలోకమునే సృష్టిస్తాం!*

*నాకమునంటే నవ ఋషులం!*

*నాగరికతకే ప్రతినిధులం!*

*నాన్నకు అమ్మకు ముద్దొస్తాం!*

*నాలుగు దిక్కులు చుట్టేస్తాం!*

*నింగికి నిచ్చెన వేసేస్తాం!*

*నిలబడి జగతిని శాసిస్తాం!*

*నిప్పురవ్వలను కురిపిస్తాం!*

*నిగ్రహమెంతో చూపిస్తాం!*

*నీతి, నిజాయితీలను గెలిపిస్తాం!*

*నీటివనరులను రక్షిస్తాం!*

*నీ-నా భేదం తుడిచేస్తాం!*

*నీపై ప్రేమను కురిపిస్తాం!*

*నురగల తరగల కెరటాలం!*

*నున్నని బుగ్గల పసివాళ్ళం!*

*నువ్వు- నేనులను కలిపేస్తాం*

*నుదుటి రాతలను మార్చేస్తాం!*

*నూతన శకమును సృష్టిస్తాం!*

*నూరిన కత్తులు విరిచేస్తాం!*

*నూర్చెడి రైతును రక్షిస్తాం!*

*నూటికి నూరు సాధిస్తాం!*

*నృప పదవులనధిరోహిస్తాం!*

*నృశంసలను పరిహరియిస్తాం!*

*నృత్యగానములు నేరుస్తాం!*

*నెమళ్ళ వలెనే నర్తిస్తాం!*

*నెమ్మదిగా అడుగులు వేస్తాం*

*నెలవంకను భూమికి తెస్తాం!*

*నేర్పిన గురువులనర్చిస్తాం!*

*నెత్తిన పెట్టుకు పూజిస్తాం!*

*నేడీ లోకం మా సొంతం!*

*నేర్చిన జ్ఞానము హిమవంతం!*

*నేర్చుకోవల్సినది అనంతం!*

*నేర్చుట కొఱకే మాపంతం!*

*నైతిక విలువలు మా సొంతం!*

*నేర్చిన విద్యలు ఫలవంతం!*

*నై.. నై.. అంటే బ్రతుకంతం!*

*సై.. సై.. అంటే సుఖవంతం!*

*నొసటి రాతలను నమ్మద్దు!*

*నోటికి చూపర ఓహద్దు!*

*నౌకకు లంగరు కదముద్దు!*

*నవ్వుతూ బ్రతుకును సరిదిద్దు!*

*నందనవనమే జీవితం!*

*నందుని ఇల్లు బృందావనం!*

*నందనందనులమే మనం!*

*నలుగురితో ఉంటే పావనం!*

*********************

హామీపత్రము: *స్వీయరచన*