బాల సాహిత్యం

*మహతీ సాహితీ కవిసంగమం, కరీంనగరం*

తేదీ: *04-03-2023-శనివారం*

అంశము: *బాలసాహిత్యం(ట వత్తు పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *గుట్టు విప్పి పెట్టు!బుట్టబొమ్మ!*

ప్రక్రియ: *పద్యము*

ఛందస్సు: *ఆటవెలది*

*********************

*(1)*

*పట్టుదట్టిగట్టు! పడగపై తను మెట్టు!*

*నుట్టిలోనచట్టి నొడిసిపట్టు!*

*చెట్టు క్రింద జట్టు! చేతవేణువుబట్టు!*

*గుట్టువిప్పిపెట్టు! బుట్టబొమ్మ!*

*(2)*

*పొట్టలోనయుండ పుట్టెను హరిభక్తి!*

*జట్టుకట్టెనతడు చక్రితోడ!*

*కష్టమొందె పుట్టి దుష్టకశిపుజేత!*

*గుట్టు విప్పి పెట్టు!బుట్ట బొమ్మ!*

*(3)*

*గట్టి పట్టు పట్టు! గట్టుగుట్టలనెక్కు!*

*పుట్టతేనె దొరుక పొట్ట నింపు!*

*పొట్ట త్రాడుగట్టి పోరునందురికింత్రు!*

*గుట్టు విప్పి పెట్టు!బుట్టబొమ్మ!*

*(4)*

*పొట్టలోన వినెను పోరాట సూత్రాలు!*

*పుట్టి పద్మ వ్యూహ గుట్టు పట్టె!*

*చిట్టి బాలుడైన చెట్టంత వీరుడే!*

*గుట్టు విప్పి పెట్టు! బుట్టబొమ్మ!*

*(5)*

*పొట్టివాడయినను గట్టి యగు ప్రధాని!*

*కష్ట సమయమందు గద్దె నెక్కె!*

*మట్టి, మాతృభూమి మహనీయమని జెప్పె!*

*గుట్టు విప్పి పెట్టు!బుట్టబొమ్మ!*

*********************

హామీపత్రము: *స్వీయరచన*

*జవాబులు*

*1. శ్రీకృష్ణుడు*

*2. ప్రహ్లాదుడు*

*3. ఉడుము*

*4. అభిమన్యుడు*

*5. లాల్ బహదూర్ శాస్త్రి*

*నా పొడుపు పద్యాలను ఆదరించి, అభిమానిస్తున్న ప్రియతమ కవిమిత్రులు అందరికీ హృదయ పూర్వక ధన్యవాదనమస్సులు!*

*మీ*

*జట్టు కిట్టుడు*

*వేణుగోపాలుడు*

🙏🙏🙏🙏🙏

🌹🌹🌹🌹🌹