జీవన వేదం (పాట.)

శీర్షిక  :జీవన వేదం.

రచన :శ్రీమతి పుల్లాభట్ల జగదీశ్వరీముార్తి.

కల్యాణ్:మహారాష్ట్ర .

ప్రక్రియ :  పాట..

---------------------+

పల్లవి:

జన్మించుటెప్పుడో మరణించు టెప్పుడో

తెలియని విధిరాతిదనీ  తెలిసేది ఎన్నడో..

అనుపల్లవి:

ఈ పుడమిలో జన్మ   ప్రేమ నిండు సారమా

సుఖ దుఖః నావలో నడిసంద్ర ప్రయాణమా ॥

1.చరణం.

జీవితం తిరుగాడు వలయం  

నీ.. నా.. కధల రుాపం

మనసే జ్ఞాన దీపం  

నింపావహంకార తిమిరం 

ఒడుదుడుకుల బాటలో సాగించీ గమనం 

ఆశయాలె బాటలో కోల్పోయిన తరుణం 

పోయినదంతా వెనుకకు రాదుా

మిగిలినదాంతో తృప్తిరాదుా ॥

2.చరణం.

ఎంతెత్తు కెదిగినా   నడిచేది నేలపై...

కన్నవారు లేనిదే కానరావు భువిపై

నా అన్నవారుండరు, నీతోడై పాడెపై

నడిమంత్రపు సిరిరాదు,నిను గుాడి చితిపై

చావు పుటకలకు మధ్యన, క్షణమైన జీవితం

తెలుసుకొనీ మసలుకో అదె జీవిత సత్యం ॥

3.చరణం.

స్వార్ధమెంచి  దుారమవకు  అందరికీ మిత్రమా

బ్రతుకు దశల మార్పు తోడు, మనిషికి మనిషేసుమా.

ప్రాణమెగిరిపోయినా  కదలదు నీకాయము

ఓనలుగురి సాయమే   కాటిజేర్చు సాధనము.

ఐదడుగుల మట్టి గొయ్యి నీ జీవిత కాల ధనము

తుదికి మట్టిలోనె  కలియుటే బ్రతుకు రహస్యము ॥

*******************************