ప్రకృతి తో పయనం

30/04/2023.

జయ శంకర సారస్వత సమితి కవితా పోటీల కొరకు,

శీర్షిక  : ప్రకృతితో పయనం.

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర .

చల్లనిగాలి వీచే వేళలో పయనించే 

మల్లెపూల మత్తు పరిమళం మురిపిస్తోంది.

కోయిలమ్మ పాడే పాటలో నిండైన  రవం , 

హాయినిండు  నిత్య వసంతమై మరపిస్తొింది॥

పరుగులు తీసే మనసు విహంగం

ఆ పరుగుతో పయనించే వయసు యానమై

ఇంద్రధనుసు ప్రభల, పరుగుల స్వప్నమయ్యింది.. ॥

                        

కన్నె మనసు కవితైెతే ,ఆ కవితలింద్రధనుసైతే , అవి

ఆకాసమంతా నిండిన చిలిపి కలల మిణుకు తారలే కదా! .. 

ఆ తారలన్నీ మెరిసే చిరు వెన్నెలలై  కురిస్తే

ఆ చందమామ కళలలో దాగిన అందాలు, 

వలపురేపు  కధలే .కదా!॥

మబ్బుచాటున దాగిన మేఘం,  చినుకై కురిస్తే

 నా మనసు వేచియున్న ఒక చకోరమై నిలుస్తే..

తొలి చినుకు తడికి పడే ఆరాటం, ఓ ప్రేమే కదా !॥

ఇలలోని అందమంతా నే పాడే పాటకు పల్లవైతే 

జలజలల సాగే రాగ ఝరుల సందడి సడి

నా మదిలో రేగిన కలకలాలు, అలల సడులే కదా !॥

 ... 

చిన్ని చిన్ని  చిలుక జంటలు ,

పచ్చనైన  చేల పంటల్లో  చేసే కువ -కువల

  కిల- కిలారవాలు, నా మధుర గీతిలొ నిండు

  లయలకు పదములే కదా... ॥

చిరుగాలి వెంట నా పయనం ,

కెరటాల నడుమ నా గమనం , నాలో

భావాలే అలలై తేలుతుా , చేరుకున్న తీరం ,

నే కోరుకున్న మధురమైన గమ్యమే  కదా ॥    

మనసంత మధుర భావం నిండియుంటే,

 మదినిండా రసపు పానం కదులుతుా ఉంటే,

అది పండు వెన్నెలంత హాయైనదే కదా ! ...

పుాచే పూల సౌరభం, మలయారుత వలయ మైతే

చిరు చినుకు తడులు నిండిన మట్టి సోరభం -

మొలకెత్తే  చిన్నారి విత్తుకు, నిలిపే  ప్రాణమే కదా !॥

తలపించు  వేయి వినోదాల హాయి తలపుల్లో .... 

చేసే సంగీత- సాహిత్య -స్వర  ,విహారానికి

స-రి-గ-మ సఖుల సాయమే శృతి లయలైతే ,

సరదాలు చిందు, రాగ మధువుల మకరందలో

మునిగే జీవితం ,ఆనంద మధు పరాగమేకదా. ॥

హామీ : 

పై కవిత నా స్వీయ రచన.

____________________________________________