అక్షర శ్రీకారం. వచన కవిత.

[01/04, 1:46 pm]

 JAGADISWARI SREERAMAMURTH:

 మహతీ సాహితీ కవిసంగమం-

ప్రతిరోజూ కవితా పండుగే.

తేది :   01 /04/2024.

వారం పేరు:  సోమవారం.

అంశం: చిత్ర కవిత.

కవితాసంఖ్య : 1

శీర్షిక :  అక్షర  "శ్రీకారం".

కవి సంఖ్య : 43.

రచన : శ్రీమతి : పుల్లాభట్ల జగదీశ్వరీముార్తి

 కల్యాణ్. మహారాష్ట్ర .

---------------------

ప్రక్రియ:  వచన కవిత.

------------------

మారుతున్న వ్యవస్థలో  మానవత్వం 

నలిగి నశించిపోతోంది.

రాజకీయ చదరంగంలో,  రక్కసుల అవినీతి నిండిన

 రణనీతికి చిక్కిన ప్రజా పావులు, వివసత్వంతో ,

 విధిలేక తోలుబొమ్మలాటలాడుతున్నాయి.

కటకటాల వెనకాతల చేర్చబడుతున్న " న్యాయం",

చేయని నేర  ఆరోపణలకు చేతులు విరిగిన  ,

ఆవేశంతో చెమట్ల కారుస్తోంది.

బెదిరింపుల భయంతో, న్యాయ స్థానాలలో ఇచ్చే

నీరస తీర్పులకు , ధర్మం సంకెళ్ల బరువుతో-

అడుగులు వేయలేక , సతమతమవుతోంది.

రంగుల పులుముకున్న మేకవన్నె పులులు చేస్తున్న

మూకుమ్మడి దాడులకు బడుగు ప్రజానీకం,

బ్రతుకు భయంతో ," బాంచన్ "అంటున్నాయి.

ప్రైవేటీకరణల తో ప్రజాసంపత్తి 

పరదేశీయుల పరమౌతోంది.

అమ్ముడుపోతున్న వ్యవస్థలో విద్యా విధానం

పెట్టుబడి కేంద్రాలకు పెన్నిధి అవుతోంది.

దారి తప్పబడిన ధర్మం, , రాజకీయ రణనీతిజ్ఞుల

మధ్య చిక్కి,సామూహిక చిత్రవధలననుభవిస్తోంది.

అటు చదువు లేక ,ఇటు ఉద్యోగాలు రాక,

యువత మాదకద్రవ్యాలకు బానిసౌతోంది.

తను కన్న బిడ్డలలో ఐదుగురు మాత్రమే పాండవులు ,

మిగిలిన వారంతా కౌరవులే ఉండడం చూసి, 

ఏమీ చేయలేని భరతమాత ,పగిలిన గుండెతో

పట్టరాని, బాధని భరించలేక  భోరున విలపిస్తోంది.

తల్లి భారతి ఆక్రోశానికి ఆవేదన పడిన

చదువుల తల్లి, తన వంతుగా ,

మారిపోతున్న దేశ పరిస్థితులతో 

భవిత కానరాని బాలలను , విద్యా

వివేకాలతో తీర్చిదిద్ది, దౌర్భాగ్యంతో నిండిన

దేశ భవిష్యత్తును ఉజ్వలంగా  తీర్చిదిద్దేందుకు,

" సమతా, మమత-శాంతి , ధర్మాలను " 

నిలిపే పోరాటకులుగా.  తీర్చిదిద్దాలన్న -

ఆకాంక్షతో , అక్షర "శ్రీకారం " చుడుతోంది.

హామీ :

ఈ కవిత ఏ మాధ్యము నందునూ ప్రచురితము కాని, 

 నా స్వీయ రచన

-----------------------------

[01/04, 9:57 pm] 

Porla Venu Gopala Rao: 

1️⃣2️⃣✅పుల్లాభట్ల వారు..

 మసాకసం..4️⃣3️⃣

*శ్రీకారం* శీర్షికతో మీకవిత విభిన్నంగా సాగింది.. 

నేటి భారతదేశ యవనికపై..సాగుతున్న తోలుబొమ్మలాటను చూడలేక.. 

భరతమాత కు సాయంగా 

భారతి అడుగిడిన వైనం బాగా చెప్పారు.. 

ధన్యవాదాలు మరియు అభినందనలు👏👏💐💐🙏🙏