అంశము: *నిషిధ్ధాక్షరి(న కారం)**నృసింహావతారం వర్ణన*

*మహతీ సాహితీ కవిసంగమం*

*ప్రతిరోజూ కవితల పండుగే*

*తేదీ: 23-11-2024- శనివారం*

*ఈవారం కవితాసంఖ్య:5*

అంశము: *నిషిధ్ధాక్షరి(న కారం)*

*నృసింహావతారం వర్ణన*

**************************

పేరు: *పొర్ల వేణుగోపాలరావు(మసాకసం:7)*

ఊరు: *ఎల్లారెడ్డిపేట, రాజన్న సిరిసిల్ల*

శీర్షిక:*ఉగ్రం వీరం మహావిష్ణుం జ్వలంతం సర్వతో ముఖం!*

ప్రక్రియ: *పద్యము(ఆటవెలది)*

**************************

*(1)*

*శాపఫలము తోడ జయవిజయులు బుట్టె*

*పుడమి మీద; హరియె పోరు సలిపె!*

*దితి కొడుకుగ కశిపు తెగువలు జూడరే!*

*బ్రహ్మ వరము లంది పరుగు బెంచె!*

*(2)*

*పరగ దేవతలకు బాధలు కడదేర్చ*

*హరియె యవతరించ సిరులు గురిసె!*

*మాట కొరకు విష్ణు మాయలు పరికించ*

*దైవలీల దెలియు!ధరణి మురియు!*

*(3)*

*ఇంట జంపరాదు!బైటయు సరికాదు*

*పగటి పూట తగదు!వలదు రాత్రి!*

*భూమి మీద కాదు!వ్యోమమందు తగదు!*

*సంహరణము జరుగు సమయమేది?*

*(4)*

*ప్రాణి చేత తగదు! వలదు ప్రాణము లేక*

*ఆయుధములు తగవు! సాయమెవరు?*

*బ్రహ్మ వరములిచ్చి బాగుగా యిరికించె*

*కేలతోడ జంప కేసరి యయె!*

*(5)*

*మర్త్య దేహధారి మరలె సింహముఖుడై*

*కశిపు జంప జేరె కంబమందు!*

*కొడుకు జూప రిపుడు కొట్టగా వెలువడి*

*రణము జేసె హరియె లక్షణముగ!*

*(6)*

*సందె వేళ బట్టి చక్కగా గడపపై*

*తొడలపై భరించి దొలిచె గోర్ల*

*భూమి యాకసముల పోలిక లేకుండ*

*పొట్ట జీల్చి జంపె!పుడమి మురిసె!*

**************************

హామీపత్రము: *స్వీయరచన*

🙏🌹🙏🌹🙏🌹🙏🌹🙏

*వేణుగోపాలుడు*

🥰❤️🥰❤️🥰❤️🥰❤️🥰