చదరంగం
----------
రాజకీయ "చదరంగంలో" పావులైన
"సిపాయి" ప్రజానీకానికి. " రాణీ "
మాయ మసి పూస్తోంది ॥
మారే మంత్రులతో మంతనాలు జరిపే
సత్తా " గుర్రాలు" ,దాట్ల దారుల్లో
సంధి కుదుర్చుకుంటున్నాయి. ॥
రాజకీయపుటెత్తుల్లో
రంగులు మార్చిన
గుంట నక్కలు ,
-"ఏనుగు" ముసుగుల్లో
అంబారీలు ధరించేయి. ॥
సత్తా తొత్తులుగా మారిన
సత్తు "శకటాలు , "
సామాన్యుణ్ణి దోచుకునేందుకు
అడ్డ తోవలు పడుతున్నాయి. ॥
మాటకి నీతికి కట్టుబాటు లేని
మహామహులమధ్య
మాటి మాటికి మారే సత్తా
రాజ్యాంగాన్ని " చెక్ " చేస్తూ
సవాలుగా నిల్చుంది. ॥
నల్ల నుడి తెల్ల గడుల రాజకీయ
రహదారుల్లో దాగు ఉన్న
అణుబాంబుల ఆకస్మిక పేలుళ్ళకు
ఆహుతయ్యే " సిపాయి" జనాల్ని
అలవకగా అడ్డు తొలగించి
ఆటలు సాగిస్తున్న. హేయమైన
హింసా రాజకీయ ఎత్తుగడలకి
ప్రజా " పావులు ",
పాడెకెక్కుతున్నాయి. ॥
-----------------------------------
రచన , శ్రీమతి,
పుల్లాభట్ల జ్గదీశ్వరీమూర్తి
కల్యాణ్.
కవితోత్సవం కొరకు.
------------------------------.
No comments:
Post a Comment