అంజయ్య గౌడౌ గారి పద్యాలు.

శ్రీ హనుమస్తుతి హనమజ్జయంతి సందర్భంగా

ధ్రువకోకిల

హనుమ మారుతి యాంజనే యుడ ,యార్త రక్షణ ధీనిధీ

దనుజ భంజన వానరోత్తమ దక్ష రక్ష కపీశ మా

మనమునన్ స్మరియింతు మె ప్పుడు మాననీయ సుధీమణీ

వనచరా యినమిత్ర సుందర పావనీ మము గావరా

 మత్తేభము

హనుమా వీరకిశోరమా బుధ నుతా యానందసందాయకా

నిను,మా మానసమందునన్ ద లతుమో నిత్యంబు నేమారకా

ఘనదోర్దండ పరాక్రమా కపివ రా కారుణ్యమున్ జూపు స

ద్గుణుడా మారుతి రామచంద్ర హితుడా ధూమ్రాక్షనిర్మూలనా

 ఉ...

వందనమాంజనేయ గుణవర్ధన భీకర దానవాంతకా

మందరధీర భక్తజన మందిర మందువసించరమ్మికన్

సుందరవాలగాత్ర నిను స్తోత్రము జేతుము వానరేశ్వరా

నందిత వాయుపుత్రుడ గుణా వన మారుతి నీకు మ్రొక్కెదన్

 పంచచామరం

నమోస్తుతే మహానుభావ నన్నుబ్రోవవేలరా

ప్రమోదరూప ఆంజనేయపంచ వక్త్రదేవరా

యమేయధైర్య దానవాంతకా కపీశ దేవ నీ

సమానమేరి లోకమందు శంకరాత్మజా సుధీ

హిమాలయాదిధైర్యరత్న హేమకుండలాధరా

నమామి రామభక్తుడా ఘనా ఘనా విజైభవా

 మత్తకోకిల

ఆంజనేయ మహానుభావద యార్థ మందిరమారుతీ

కంజనేత్రిని జానకమ్మను గాంచి వచ్చిన పావనీ

యంజలింతుము నీకుభక్తిగ యంజనీసుత బ్రోవుమా

రంజిలన్ రఘురామ భక్తుడ రాక్షసాంతక ధీవరా

అంజయ్యగౌడ్