ఆక్రోశం.

మారుతున్న రాజకీయ వ్యవస్తావిన్యాసానికి ,

వంతు పలుకుతుా, కమ్ముకున్న మేఘాలజోరుకు, 

కురిసే ఉద్ధృత వర్షపు, ఊపు  ధారలు 

వక్ర మార్గాలలో వంకర్లు పోతుా,.

మేము కార్చే కన్నీరుతో కలిసి 

ఎరులై పొంగి పొరలుతోంది .

చేతికొచ్చిన పంట, నేలపాలైన వైనం ,

తట్టుకోలేని గుండెకోత శబ్దం తో కలిసి ,

నిశబ్దమైన ,నిరాశా నినాదాలు చేస్తోంది.

మా గుండెలు అవిసిపోతున్నాయి.

గొంతులు పొడిబారుతున్నాయి.

వాలిపోయిన పంట పొలాల్లో నిలచిన

నీటిలో ,  నానిపోయిన మా పాదాల-

పాచిపట్తిన  పగుళ్ళ సందుల లో ,నిండిన  తడి

ఎండిపోయిన మా గొంతుల దాహాన్ని 

తీర్చలేని , నిస్సహాయ నీరమై నిర్వీర్యమౌతోంది.

అందరి ఆకలినీ తీర్చేందుకు, అహోరాత్రాలుా

కష్టించే మా శ్రామిక హస్తాలు , కమిలి కాయలు కాసాయి. ఆకలి కడుపుల అసహాయ  జీవితాలు,  పట్టెడన్నం కోసం  అలమటిస్తుా ,

అర్ధాంతర  చావులకు ఆహ్వానం పలుకుతున్నాయి.

చెమటగా మారిన మా రక్తం , మీ ఆకలి తీర్చే అన్నంగా

మారి , అంతస్తుల హార్మ్యాల లో మీకు జోల పాడుతోంది. అధికారపు  ఏలుబడి పట్టాలకు

మాధ్యమాలమైన మా "ఉనికి" మురికి పట్టిన 

మంతనాల చాటున,  మసిబారిపోతోంది.

"ఏమని"" అడిగే "ప్రశ్నకు" జవాబుగా ,

మంది ప్రాణాల్ని అన్యాయంగా బలితీసుకొంటోది. 

రాజకీయ తృష్ణ ,తారతమ్యాల ,దాడుల్లో  

రాబడి పెంచుకుంటుా , "రమ్ము" పానం చేస్తొింది.

అవసరానికి ఆదుకుంటామన్న పాలకుల వాగ్ధానాల

చిట్టాలు , మా చుాపుడు వేలిపై నల్లటి ముద్రగా చిత్రించబడి, నాలుగు రోజుల్లోనే నలిగిపోతున్న -

మా వెలసిన, బతుకు చిత్రాల కుప్పల  మధ్య, 

వెల- వెల పోతుా  , రంగును కోల్పోతోంది.

"కంచే చేను మేస్తున్న "  రాజకీయపు టెత్తుల తీరుకు , 

మా వలస బతుకుల గతుకు ప్రయాణాల్లో , 

ఆకలి చావుల ఆక్రోశం , శవాల గుట్టల ముాటల్లో చేరి ముక్కి కంపు కుడుతోంది.

హద్దులు దాటిన ఆక్రోశం , పగ బట్టిన శాపమై , 

విధ్వంశం వీడని, కుంభ వృష్టిగా కురుస్తోంది.

కుళ్ళిన జీవుల కళేబరాల్లోంచీ పుట్టిన "కరోనా"',వంటి

కనిపించని కణాలు,  క్లిష్ట  దుష్ట పాశాలై , 

శర వేగంతో ప్రపంచ వ్యాప్తి చెందుతుా, విశ్వ-

విధ్వంశ చేష్టలతో విఝృంభిస్తుా....

మా కార్మికుల కష్టాలకు, 

కన్నీటి తర్పణాలు వదులుతోంది.

మానవత్వం మరచిన ఈ సమాజంలో , 

సమానవత్వం లేని, మనస్తత్వపు రాజకీయాల-

నిర్ణక్ష్య వైఖరి , మారనంత వరకు ,

మా కన్నీటి  చావులు,  కణ పిశాచాలై , 

విశ్వాసఘాతకుల వినాసనానికై, వీర విహారం

 చేస్తుా ,మిడతల దండు తీరు లో 

 విధ్వంసాన్ని శృష్టిస్తుానే ఉంటాయి.

 ----------------

రచన , శ్రీమతి , 

జగదీశ్వరీ ముార్తి.

కల్యాణ్  (మహరాష్ట్ర ).

------------------------------