నవరసాల శతాక్షరి.

20-07-2020(సోమ వారం)

కవి:-నాయకంటి నరసింహ శర్మ(వనపర్తి)

💐💐💐💐💐💐

💐💐💐💐💐💐

(9 అంశాలు)-9 శతాక్షరీ లు రాయాల్సి వుండును

1పురస్కారం

💐నవరస శతాక్షరి

(1)శృంగారం(2)వీరం

(3)కరుణ(4)అద్భుతం

(5)హాస్యం(6)బయనకం

(7)బీభత్సం(8)రౌద్రం

(9)శాంతం

💐💐💐💐💐💐

***వివరాలకు****

--భేరి మధుసూదన్

కర్నూల్-518002

7674993500

6301932933

berimadhusudhan@gmail. com

💐

(BERI MADHUSUDHAN

google/Face Book)💐💐💐💐💐💐

శృంగారం--(1)

-------//-/-

కులుకులలోఅలరించగ

పలుకులతో హొయలొలుక

దరహాసములోన మరులు

మదనుని దర్పము చూపగ

నాయనుంగు ధవళరదన

అడుగుల సడిలో నడిచె

ఇందులాస్య బింబాధరి ,తను

నవలా  మృగమదసౌరభి

ఎచటనుంచి ననుచేరెనొ

కలకాలం ననుతనియునొ

💐

డా.నాయకంటి నరసింహ శర్మ

################

కరుణరసము(2)

--------------/----//

బీదవాడొకడు , నడిరేయి

కారుచీకటిలో వర్షములో 

తడిసిముద్దయి పోవగను

రెండురోజుల ఆకలి బాధతో

కప్పుకొనగా దుప్పటి లేక

ముదిమివయసులో భార్యతో

కనుచూపానక ,కీళ్ళరిగీ

చేతకాక  ఎవరూ చూడక

చేతికొచ్చిన  పిల్లలెవరూ

కనికరించని వృద్ధఘోష.

💐

డా.నాయకంటి నరసింహ శర్మ.

################

(3)

భీభత్సం

-----------------

చీము నెత్తురు అవనినిండ

మానవ కంకాళాలు పడగ

క్షతగాత్రులును  మితిమీరి

పుడమి రక్త పటలమయ్యె

 ఆర్తనాదాలు దీనరావాలు

రోదనలు హాహాకారములు

మాంస శ్లేష్మ మూత్రపురీషాలు

గండభేరుండాలు పీక్కుతినె

చీమలు నక్కలు మృగములు

ఎగబడి తినగసాగెను  .

💐

డా.నాయకంటి నరసింహ శర్మ.

################

(4)

రౌద్రం

-----------

పండ్లు పటపట కొరికెను

రుసరుస గుడ్లురిమిచూసె

ఒంటికాలుపై లేచినిలిచె

ఎవడవురా నీవని  తన

తొడగొట్టి కోరమీను వంటి

మీసము మెలివేయసాగె

గట్టిగ వికటాట్టహాసము

చేసి ముందుకురికి ,దుమికి

పిడికిలి బిగించి వడిగ

రయ్యిన పగవాడిని చంపి

💐

డా.నాయకంటి నరసింహ శర్మ .

################

(5)

వీరరసము

---------------

ప్రళయ మేఘ ఘన భీకర

రూపుడు ఫల్గునుడు వడిగ

కౌరవసేనతొ యుద్ధం సలిపె

అగ్నిచ్ఛటలు మింటికెగయ

పాశుపతాస్త్రమునుసంధించె 

కురుసేన సంక్షుభితమయ్యె పాండవమధ్యమునిధాటికి

శతృసేన నలుదిక్కులకు

శరణార్థులై పరుగిడిరి

కిరీటి శౌర్యప్రతాపమున.

💐

డా.నాయకంటి నరసింహ శర్మ

################

(6)

హాస్యం

--------------

బానపొట్ట ,వంకర దంతాలు

దొడ్డి కాళ్ళు చీపిరికన్నులు

చప్పిడి ముక్కు సొట్ట పెదవి

 చెవిటిమేళం నత్తిమేళపు

జోరీగలు ముసురు  మోమును

చూచి పొట్ట చెక్కలగునట్లు

పడిపడి కడుపు పట్టుకు

నవ్వసాగెను నరుడొకడు.

సింగినాదం జీలకర్ర యను

సామెత మదిలో మెదలెను.

💐

డా.నాయకంటి నరసింహ శర్మ

################

(7)

శాంతరసము

 ------------------

  చిత్తములో భగవచ్చింతన

సదా పరమేశ్వరుని ధ్యానం

యమనియమాలను పాటించి

పరులమేలు పరమార్థంగా

యోగసాధనే నియమముగా

నిశ్చల నిరాకార భక్తితో

పరోపకారచింతనగల్గి

సమభావం పరమావధిగా

పశుపక్ష్యాదులను ప్రేమిస్తూ

వసుధైక కుటుంబం సాధించు.

💐

డా.నాయకంటి నరసింహ శర్మ.

################

(8)

అద్భుత రసం

----------------//-

క‌లగంటిని నేనొకనాడు

ఆకాశంలో విహరిస్తున్నట్లు

కుప్పబోసిన పైసబిళ్ళలు 

దోసిళ్ళతో నింపుకొన్నట్లు

ఎన్నితీసుకున్నా తరగని

నాణేలు అవి.పెద్ద భవనం

అందులో వందలాది గదులు

అది నాకు సంక్రమించినట్లు

రాజభవనమే నాదైనట్లు

అపూర్వమైన కలగన్నాను

💐

డా.నాయకంటి నరసింహ శర్మ.

################

(9)

భయానక రసం

------------------------

తాగిన వాడొకడు పిల్లలనూ

భార్యనూ చితకగొడ్తున్నాడు

కర్రతో ఇనుపరాడ్తో రక్తం

చిందునట్లు ,పిల్లలు భయంతో

తండ్రిని చూసి బెదరుచుంటే

భార్య ఎండుటాకులా వణుకు

తుంది గజగజ.అతనిని

చూస్తేనే  గుండెలు గుభేలని

దెబ్బకి ఠారుమని చచ్చేలా

 ఏ క్షణం లో ప్రాణం తీస్తాడని

💐

నవరస శతాక్షరి కవి

డా.నాయకంటి నరసింహ శర్మ.

చిరునామా:-

.డా.నాయకంటి నరసింహ శర్మ.

వనపర్తి, 

వనపర్తి జిల్లా.

తెలంగాణ 

వృత్తి అధ్యాపకుడు.

ఫోన్ 9441357400

భేరి💐సాహితి వేదిక

సభ్యత్వసంఖ్య:4-80

***వివరాలకు****

--భేరి మధుసూదన్

కర్నూల్-518002

7674993500

6301932933

berimadhusudhan@gmail. com

💐

(BERI MADHUSUDHAN

google/Face Book)💐💐💐💐💐💐