బాల కృష్ణ లీలలు
🌸☘️🌸☘️🌸☘️🌸
సుద్దులనేలా చెప్పెదరే
ముద్దుల కృష్ణుని లీలలకూ
ఇద్దరికిపుడే ఏతెంచే
ఒద్దిక కమ్మని వెన్నలకై..
"సుద్దులనేల "
బుడిబుడి నడకలో తొందరిదే
విడివడి చేలము మొలనూలు
కడవలొ మునిగిన కవ్వముకు
తడవకు తడవకు చేయెత్తే ..
"సుద్దులనేల "
పొన్నల నీడను పోటీగా
వెన్నెల యాటల నాడంగా
కన్నుల గంతలు తను గట్టి
అన్నుల మిన్నల యల్లరిఁ దే...
"సుద్దులనేల "
ఏమా యశోద భాగ్యమిది
మోమాటంగా నవ్వుతును
మా మా ఇళ్లను బాలుడిదే
రామా వెన్నల దోపిడియే...
"సుద్దులనేల "
చిక్కము గట్టిన లేగలకూ
ఫక్కున నవ్వి తొలగించీ
మక్కువ యావుల పొదుగులకు
చక్కగ దూడల తోలంగా..
"సుద్దులనేల "
************************
✍️. ఎం. వి. ఉమాదేవి
నెల్లూరు
No comments:
Post a Comment