మనసు

3/08/2022.

మహతీ సాహితీ కవి సంగమం .

అంశం: మనసు.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

ప్రక్రియ : ఆట వెలది.

మంచి చెడుల తీరు  మనదు మేలును కోరు   

మనసు తెలుపు మాటె మంచి బాట

మనసు చెప్పు మాట మనసార వినుమయ్య

మనసు  మిత్రు డిలను  మరువ కయ్య ॥

మనిషి లోన మనసు మర్మ మెరుగ దయ్య 

నీకు మేలు జేయ నిలుచు నెపుడు

బుద్ధి బురద చేర సుద్ధి మాటలు జెప్పు

సుఖపు బాట జుాపు సులభ గతిని ॥

మనిషి హృదయ మందు మాన్య దేవత లుండు

దేహ మీదు కొలువు  దేవ తలకు

గుడులు గోపు రాలు గుణము నేర్పవు నీకు.

మనసె పాఠ శాల మరువ బోకు !