బాల సాహిత్యం

అంశం: బాలసాహిత్యం

( త గుణింతముతో)

శీర్షిక: బ్రతుక నేర్వాలి కన్నా .

శీర్షిక  : గేయ కవిత.

రచన :శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర.

తొలి వందన మిడు తొలి వేల్పులకు

తొలి వేల్పులు మన తల్లిదండ్రులు .॥

తొలి వందన మిడు గురువు పెద్దలకు

తేడా జుాపని జ్ఞాన  దాతలకు ॥

తొలి జేసిన మన పుణ్య ఫలమిదే

తల్లి గర్భమున మానవ జన్మే ॥

తలచ చక్కన్ని తనువు ధనమిది

తలచు కార్యయములు జేయు పెన్నిధి॥

తొలి కోడి కుాతకు చలి యనుచు జోగక

తోడుతు నిద్దుర  లేవాలి ॥

తల్లిదండ్రుల మాఁట మన్నించి

తీరుగ స్కుాలుకు వెళ్ళాలి ॥

తెలుగు భాష మన మాతృభాష గద

తెలుగక్షరాలు నేర్వాలి.॥

తేట తెల్లని లేత మనసుతో

తెలివితొ చదువులు చదవాలి ॥

తండ్రి పేరు నిలబెట్టాలి.

తగిన ఘన కీర్తి పొందాలి ॥

తక్కు వెక్కువల బేధము నెంచక

తీరుగ చెలిమితో మెలగాలి ॥

తాయిలాలు తినుబండారాలను

తోడుగ కలసి భుజించాలి.॥

తీయని నీతిడు కధలను జెప్పే

తాత బామ్మలను ప్రేమించాలి ॥

తోడ పుట్టిన  అక్కాచెల్లెలకు

తోడుా నీడగ నిలవాలి ॥

తెంపరి తనమును విడనాడాలి

తప్పులు చేయక యుండాలి ॥

తారతమ్యములు విడనాడాలి.

తారల వలె తళుకీనాలి ॥

తేట ప్రకృతికి పచ్చదనమునిడు

తరువు చెరువులను కాపాడాలి॥

తావీయకు నువు తగాదాలకు

తంటాలన్నవి తగవుర మనకు ॥ 

తీయని మాటలు తేనెల ఊటలు

తరతరాలకవి తరగని  నిధులు ॥

పాడి పంటలతొ కళ కళ లాడే

తల్లి భారతికి ప్రణమిల్లాలి ॥

తిరుగు లేనిదౌ మాటుండాలి

తీర్పు నేర్పులతొ జీవించాలి ॥