వెంకటేశ్వర కీర్తన.

రాగం : మోహన.

రచన : శ్రీమతి : పుల్లాభట్ల జగదీశ్వరీమూర్తి.

కల్యాణ్: మహారాష్ట్ర.

తిరుమల శిఖరాల వెలసిన దేవా 

అరుదైన  నీ రూపు కనిపించనీవా

వరముగ ఈ భువికి వేంచేసినావు

కరముల  నభయము నిడి బ్రోచినావు !!

ధరలో జీవులు ధన్యత నొందగ

నీ పద సన్నిధి చూపినావు

ఆపదమొక్కులవాడవై దేవా....ఆ.,.ఆ..

అడిగిన వరముల నిడి గాచినావు !!

జగముల బ్రోచిన జగదీశుడవు 

మమ్మేల వచ్ఛిన   మహనీయ మూర్తి.

ఆర్తితో పిలచిన ఆలసింపక వచ్చి 

అభయము నొసగేటి   ఓ దేవ దేవా  !!

ఏడుకొండల నెక్కి ఏలికవౌ నీకు

ఇడుముల వినిపించి శరణము కోరి

తలనీలాలను అర్పించెదము

భక్తితో నీ రూపు దర్శించెదము !!