వరలక్ష్మి యనమండ్ర* అంశం: *కాత్యాయనీ దేవి!*

*మహతీ సాహితీ కవిసంగమం*

*ప్రతిరోజూ కవితా పండుగే*

అంశం:  *కాత్యాయనీ దేవి!* 

కవితాసంఖ్య: *06*

తేది: *08-10-2024-మంగళవారం*

శీర్షిక:   *కాత్యాయనీ!వందనమ్!*

కవి:  *వరలక్ష్మి యనమండ్ర*  

కవి సంఖ్య *(02)*

ప్రక్రియ: *పద్యము(తరళము)*

**************************

*01*

*నవదినంబుల లోన గొల్చెడు నవ్యమౌ యవతారిణీ!*

*యవని లోపల ఖ్యాతిజెందిన యద్భుతంబగు మాతవే!*

*భవము నంతయు దీసివేసెడు పార్వతీ! కరుణించవే!*

*భువనముల్ పరిశుద్ధిజేయగ పోరుసల్పెడు రౌద్రమా!*

*02*

*అమరులందరి యాగ్రహంబుల నంతగల్పగ వస్తివే!*

*అమరకోశము నందు జెప్పిన యాదిశక్తి స్వరూపమే!*

*అమరమే కద నీదు గాథలు! నద్భుతంపు పురాణముల్!*

*సమరమందున నీదు శౌర్యము శ్లాఘనీయము! శాంకరీ!*

*03*

*మహిషు సంహరణంబుజేయగ మాత దుర్గకు సాయమై*

*విహితరీతిన చేయి కల్పిన వీరశక్తికి వందనం!*

*సహితవై మహిషాసురున్ భళి!సంహరించిరి యిద్దరున్*

*మహిమ జూపెడు సింహవాహిని!మమ్ము గాంచుము శీఘ్రమే!*

*04*

*ఎరుపు వర్ణము నీకు నిష్టము !నెర్ర బారిన కన్నులన్!*

*ఎరుపు వస్త్రము లన్ని దెత్తును!నీశ్వరీ! ధరియించుమా!*

*ఎరుపు పుష్పము లన్ని గోసెద!నింట బైటను బూజకై!*

*మెరుపులన్ గురిపించుమా! మము మేలుగొల్పవె! భార్గవీ!*

*05*

*అసురులందరు ముగ్ధులయ్యిరి యందమున్ వరియించగా*

*అసురరాణ్మహి షాసురుండట హద్దు మీరెను పొందుకై*

*యసురు కావరమంత దీయగ యస్త్రముల్ ఝళిపించుచున్*

*నుసురు దీస్తివి కాళివై!త్రిగుణోద్భవీ! యిదె వందనం!*

**************************

హామీ పత్రం: *స్వీయ రచన*