అంశం: *కాత్యాయనీ దేవి!* కవి: *పొర్ల వేణుగోపాలరావు*

*మహతీ సాహితీ కవిసంగమం*

*ప్రతిరోజూ కవితా పండుగే*

అంశం:  *కాత్యాయనీ దేవి!* 

కవితాసంఖ్య: *06*

తేది: *08-10-2024-మంగళవారం*

శీర్షిక:   *కాత్యాయనీ!నమోస్తుతే*

కవి:  *పొర్ల వేణుగోపాలరావు*  

కవి సంఖ్య *(07)*

ప్రక్రియ: *పద్యము(తరళము)*

**************************

*(1)*

*సురుల క్రోధము నుండి బుట్టిన చూడచక్కని భామినీ!*

*వరలితీవు జగాన కాత్యుని వద్ద పుత్రిక రూపమున్*

*వరద ముద్రను భక్తులందరు ప్రాభవంబుగ గాంచిరే!*

*కరుణ జూపవె సింహవాహిని!ఖడ్గ ధారిణి! వందనం!*

 *(2)*

*మునివరుండట నిన్ను బెంచెను ముద్దులొల్కెడి బాలగా!*

*దినదినంబుల నీదు రూపము దీపమయ్యె నరణ్యమున్!*

*వనమునందున సాహసంబులు భక్తులందరు జూచిరే!*

*జనపదంబులు నిన్ను గొల్చెను చక్రనేత్రిణి!భద్రుకా!*

*(3)*

*యజురు వేదపు తైత్తిరీయము లందు జెప్పిన మాతవే!*

*కుజుడు నీ గ్రహ కుండలిన్ భళి!కొల్వుదీరె ఘనంబుగన్!*

*ద్విజులు గొల్తురు నిన్ను దండిగ దేవళంబుల పూజలన్!*

*విజయమీయవె తల్లి!వైభవి!వేల ప్రార్ధనలందుకో!*

*(4)*

*త్రినయనీ! నిను బూజ సేయగ తీరు కష్టములన్నియున్!*

*వనవిహారిణి! భక్తులందరి వాంఛితార్థము దీర్చవే!*

*మనసులో నిను గొల్తు శ్రద్దగ! మాతరో దీవించవే!*

*కనకదుర్గకు మిత్రురాలివి! గాంచవే మము తల్లిరో!*

*(5)*

*ఎడమ చేతిన కత్తి బట్టిన యీశ్వరీ యిదె స్వాగతం!*

*మడమ త్రిప్పని శక్తి నీయవె! మాతృకా యిదె వందనం!*

*కుడి యెడమ్ములు నీదు లీలలు!కోటి జన్మల కర్మముల్!*

*విడువనే పదమొన్నడున్! కనిపించవే! భవ నాశమౌ!*

**************************

హామీ పత్రం: *స్వీయ రచన*

🙏🌹🙏🌹🙏🌹🙏🌹🙏

*వేణుగోపాలుడు*