చంద్రఘంటా!నమోస్తుతే*కవి: *పొర్ల వేణుగోపాలరావు* ‌‌

*మహతీ సాహితీ కవిసంగమం*

*ప్రతిరోజూ కవితా పండుగే*

అంశం:  *చంద్రఘంట!* 

కవితాసంఖ్య: *03*

తేది: *05-10-2024-శనివారం*

శీర్షిక:  *చంద్రఘంటా!నమోస్తుతే*

కవి:  *పొర్ల వేణుగోపాలరావు*    ‌‌కవి సంఖ్య *(07)*

ప్రక్రియ: *పద్యము(తరళము)*

*****************************

*01*

 *జగతి నంతయు గాంచు దేవత చంద్రఘంటకు స్వాగతం!*

*మొగములో చిరునవ్వులొల్కెడి మోహనాంగికి వందనం!*

*నిగమముల్ నియమాలు నిష్ఠల నీరజాక్షిని గాంచరే!*

*సగము దేహమునిచ్చె ధూర్జటి శాంకరీ కరుణించవే!*

*02*

 *ఎరుపు వర్ణము నీకు నిష్టము నెల్లెడల్ శుభమొందగన్!*

*యెరుపు వస్త్రము నీకు దెచ్చితి నీవిధంబున గట్టగా!*

*మెరుపు కాంతుల మించు శోభల మేనిఛాయల దేవివే!*

*కరుణ జూపుము తల్లి పార్వతి! కాంక్షలన్నియు దీర్చగన్!*

*03*

 *భవుని పొందగ ధ్యానమందున బాధలన్ని భరించగా!*

*శివుడు మెచ్చుక పెండ్లియాడగ శీఘ్రమే యరుదెంచెనే!*

*భవుని వేషము గాంచి మేనక భ్రాంతితో నిల తూలెగా!*

*భువన మోహిని చంద్రఘంటగ బూని పల్కెను స్వప్నమున్!*

*04*

 *హరుని రూపము మారిపోయెను హాయిగొల్పుచు నున్నదే*

*వరునిగా తన వేషభూషలు వన్నె లొల్కుచు నచ్చెలే!*

*సురలు సైతము మెచ్చగా నవ శోభలయ్యె వివాహమే!*

*వరములిచ్చిరి జంటగా శివపార్వతుల్ బహు వేడ్కతో!*

*****************************

హామీ పత్రం: *స్వీయ రచన*

🙏🌹🙏🌹🙏🌹🙏🌹🙏

*వేణుగోపాలుడు*