శీర్షిక: *స్కందమాతా!నమోస్తుతే*కవి: *పొర్ల వేణుగోపాలరావు*

*మహతీ సాహితీ కవిసంగమం*

*ప్రతిరోజూ కవితా పండుగే*

అంశం:  *స్కందమాత!* 

కవితాసంఖ్య: *05*

తేది: *07-10-2024-సోమవారం*

శీర్షిక:   *స్కందమాతా!నమోస్తుతే*

కవి:  *పొర్ల వేణుగోపాలరావు*  

కవి సంఖ్య *(07)*

ప్రక్రియ: *పద్యము(తరళము)*

**************************

*(1)*

*శివుని లీలలు జూడరే!తను జేయు మాయలు, చిత్రముల్!*

*అవనియంత ప్రశాంతమొందుట కద్భుతంబులు జూపునే!*

*వివరమంతయు బోధపర్చును విన్న స్కంద పురాణమే!*

*నవతరంబులు నేర్చుకొందురు నవ్యమౌ దసరాలలోన్!*

 *(2)*

*శివుని ధాతువు క్రింద జారుచు జేరె నీటన యారుగా*

*భవుని తేజమునంత పట్టిరి పద్మమందున కృత్తికల్!*

*సవివరంబుగ బెంపుజేయగ సంభవించిరి బాలకుల్!*

*అవిరళంబగు బ్రేమజూపుచు నాదరించిరి కృత్తికల్!*

 *(3)*

*జరుగు కార్యము నంత గాంచెను సంతసంబుగ పార్వతే!*

*కరము జాచుచు గుర్రలన్ గని "స్కంద!"రమ్మని బిల్చెనే!* 

*తరలిరార్గురు బాలలే తమ దన్వులొక్కటి నవ్వగా!*

*విరుల వానలు!పూల జల్లులు!వేల కాంతులు జిందగన్!*

*(4)*

*హరుని పుత్రుడు స్కందుడై తన యమ్మ కౌగిట జేరగా*

*పురములన్నియు సంతసించెను!భూమి భారము తీరునే!*

*హరిహరాదులు, బ్రహ్మ, యింద్రులు హ్లాదమందిరి; షణ్ముఖున్*

*శిరములంటి "తథాస్తు"దీవెన జేయ పొంగెను మాతయే!*

*(5)*

*శరణు వేడిన స్కంద మాతను శక్తినిచ్చును నమ్మరో!*

*కరుణ జూపును కన్నతల్లియె కామితార్థము లిచ్చునే!*

*స్మరణ జేయుము తల్లి నామము స్వర్గమందును సత్యమే!*

*చిరు పదంబుల నాదు పద్యము జెప్పు భావము గాంచరే!*

**************************

హామీ పత్రం: *స్వీయ రచన*

🙏🌹🙏🌹🙏🌹🙏🌹🙏

*వేణుగోపాలుడు*