శీర్షిక : శ్రీరామ నామ మహిమ.
(గేయ కవిత).
రచన : శ్రీమతి పుల్లాభట్ల జగదీశ్వరీమూర్తి .
కళ్యాణ్ : మహారాష్ట్ర. 43.
---------------------------
అనంతమైనది రామ నామము
శక్తి నిండిన నామము
జగతికిది ఆధార భూతము.
జయము మంగళ నామము !!
పలికినంతనే పులకరింతల
మనసు నిండిన నామము
తొలగు కర్మల మలిన మంతయు
ధర్మ పథమిడు నామము !!
ధర్మ రూపుడ యోధ్యరాముడు,
నీతి , నియమము కద్దము
ఆతని నామము నమృత ధారలు
త్రాగు వారికి మోక్షము !!.
ఎన్ని యుగములు గడచినా ఘన
మహిమ తరగని నామము.
భక్తి వేడిన ముక్తి నొసగును.
కరుణ నిండిన నామము!!
మార్గ దర్శన మిడును నిత్యము.
నామ జపమొక ఒక యజ్ఞము
కథలు వినుటయె పరమ మోదము
జన్మ జన్మల భాగ్యము.!!
----------------------
ఈ గేయ కవిత నా స్వీయ రచన.
No comments:
Post a Comment