షేక్ హేండ్...కవిత.

కరచాలనం 

 పలక  బలపము బట్టి ఓ,న,మ: లను దిద్ది 

వలయు విద్యల దీర్చి దిద్దు చేయి 

గురువు ,పెద్దల పదము లంటి  దండములెట్టి 

చనవు నాశీర్వచన మిచ్చుచేయి

కార్యభారము లెల్ల నింపుగా సవరించి 

సవ్య స్నేహపుపాలు పంచు చేయి 

కావ్య రచనలు చేసి కీర్తి బడసిన చేయి 

దివ్య జ్యోతుల నింట వెలిగించు చేయి 

అతిధి సత్కారముల నందేవేసిన చేయి

ఆదరించి  అన్నమెట్టు  చేయి 

అడిగి నంతనె లేదు లేదన్న మాటొదిలి 

కలిగినంతయె దాన మోసగేటి చేయి 

గుడిలోన జేగంట మ్రోగించి వేల్పులను 

మనసార ధ్యాన్నించి  మ్రొక్కు చేయి 

దడిలోన పూలన్నీ దెచ్చి మాలలు గుచ్చి 

తగు భక్తి  గురు సాయి సేవించు చేయి 

ఇష్ఠ్ఠాల విందులను ఇచ్చి మురిసెడు చేయి 

కష్ఠ్ఠాల కన్నీరు తుడుచు చేయి 

నష్ఠ్ఠాల నగుబాట్ల తట్టి  ధైర్యము నిచ్చి  

శ్రేయమౌ శుభములను  ఒనరించు చేయి 

గట్టి మేలును చేయు ఘనమైన దా చేయి 

అట్టి దానిని పట్టి ఆదరింపగదోయి 

జట్టు సేయగ  వచ్చి కరచాలనము చేసి 

మేటి సంస్కారములనందుకోవోయి ॥ 

______________________________

రచన,శ్రీమతి ,

జగదిీశ్వరిీముార్తి.

కల్యాణ్.

________________________________

మధురానగరిలో

"మధురానగరిలో ... ", 

(కల్యాణి రాగం ). 

______________________

మధురానగరిలో, మలయమారుతము -

మధురమై సాగెనే ,మాధవ గీతమై పాడెనే..  ఆ .. ॥ 

ఆధరసుధారస , మాధురి గాంచిన 

వేణువే మ్రోగేనే .. అదె సంగీతమై పాడెనే .. ఆ      ॥  మధురా ॥ 

మోహన మురళీ   ,  రాగాలనువిని 

కోయిలే పాడెనే   , అదె  సంగీతమై పలికేనే !

విరహపువేదన   , వీనులవిందుగ 

వంతులై పోయెనే ,  అల్లరి అందమై విరిసెనే  ,

ఆ  ......        ॥  మధురా ॥ 

అందరివాడూ ...   అల్లరి మోహను-నందెలే 

ఘల్లనే ' నాట్యపు , విందులే చేసెనే .. ..

యమునా తటిదరి   బృన్దావని సరి -

సందడైపోయెనే   ,  స,రి,గ,మ  

సంగతై పాడెనే ..... 

మురళీధరుని    మోహన రూపమె -

అంతటై  నిలచెనే  ....అందరి 

మనసులే మురిసెనే ...ఆ .. ॥ మధురా ॥ 

_____________________________________________రచన, శ్రీ మతి

పుల్లాభట్ల జగదిీశ్వరిీముార్తి.

కల్యాణ్.

-----------

ఏడే మాధవుడుా....

" ఏడే మాధవుడూ ". 

_( ఆభేరి రాగం )_________

ఏడే ... మాధవుడూ ..కనరాడే . నా ధవుడూ 

ఏడే  మాధవుడూ రాడే నాధవుడూ 

నను విడనాడే భూధవుడూ ... 

సఖియా చెలియా ఏడే  నా ధవుడూ ....॥ 

అన్నది రాధా ..బాధగా..... 

వినరే చెలులారా.. సంగతి కనరే సఖులారా ...॥ 

పొదపొదలో దరిదరిలో .... 

ఆతని అడుగుల సవ్వడి వినబడె 

వేణునాదమే వీనులవిందుగ 

మదిలో సవ్వడి చేయగ  వినబడె 

ఏడే మురళిధారీ  ... నను  వీడే దయమాలీ ........ 

అన్నది రాధ .. బాధగా ... 

వినరే చెలులారా  సంగతి కనరే సఖులారా ॥ 

ఆతని మురళీ గానము వినబడె 

ఆతని రూపము కన్నులకగపడె 

కలయో .. నిజమో .. తెలియగ రాదే .. 

కన్నులు తెరచిన అగపడలేదే 

ధారల కన్నుల కన్నీటి ఆన 

దీనను నన్నిక మన్నిక నేలగ 

రాడే ... మాధవుడూ .. ఏడే  నా ధవుడూ 

అన్నది రాధా బాధగా ... 

వినరే చెలులారా , సంగతి కనరే సఖులారా ...॥ 

_____________________________

మధురానగరిలొ...పాట

" మోహన గీతాలు ". 

       _(లలిత సంగీతం )__

"మధురానగరిలో ... ", 

(కల్యాణి రాగం ). 

______________________

మధురానగరిలో మలయమారుతము 

మధురమై సాగెనే ,మాధవ గీతమై పాడెనే..  ఆ .. ॥ 

ఆధరసుధారస మాధురి గాంచిన 

వేణువే మ్రోగేనే .. అదె సంగీతమై పాడెనే .. ఆ      ॥  మధురా ॥ 

మోహన మురళీ రాగాలనువిని 

కోయిలే పాడెనే అదె  సంగీతమై పలికేనే 

విరహపువేదన వీనులవిందుగ 

వంతులై పోయెనే అల్లరి అందమై విరిసెనే  ఆ          ॥  మధురా ॥ 

అందరివాడూ ... అల్లరి మోహను-

నందెలే ఘల్లనే నాట్యపు విందులే చేసెనే .. 

యమునా తటిదరి బృన్దావని సరి 

సందడైపోయెనే స,రి,గ,మ  సంగతై పాడెనే ..... 

మురళీధరుని మోహన రూపమె 

అంతటై  నిలచెనే  అందరి మనసులే మురిసెనే .ఽఆ .. ॥ మధురా ॥ 

_____________________________________________

_________________________

" ఏడే మాధవుడూ ". 

_( ఆభేరి రాగం )_________

ఏడే ... మాధవుడూ ..కనరాడే . నా ధవుడూ 

ఏడే  మాధవుడూ రాడే నాధవుడూ 

నను విడనాడే భూధవుడూ ... 

సఖియా చెలియా ఏడే  నా ధవుడూ ....॥ 

అన్నది రాధా ..బాధగా..... 

వినరే చెలులారా.. సంగతి కనరే సఖులారా ...॥ 

పొదపొదలో దరిదరిలో .... 

ఆతని అడుగుల సవ్వడి వినబడె 

వేణునాదమే వీనులవిందుగ 

మదిలో సవ్వడి చేయగ  వినబడె 

ఏడే మురళిధారీ  ... నను  వీడే దయమాలీ ........ 

అన్నది రాధ .. బాధగా ... 

వినరే చెలులారా  సంగతి కనరే సఖులారా ॥ 

ఆతని మురళీ గానము వినబడె 

ఆతని రూపము కన్నులకగపడె 

కలయో .. నిజమో .. తెలియగ రాదే .. 

కన్నులు తెరచిన అగపడలేదే 

ధారల కన్నుల కన్నీటి ఆన 

దీనను నన్నిక మన్నిక నేలగ 

రాడే ... మాధవుడూ .. ఏడే  నా ధవుడూ 

అన్నది రాధా బాధగా ... 

వినరే చెలులారా , సంగతి కనరే సఖులారా ...॥ 

_____________________________

"బృందావనమిది అందరిదీ... 

__________________________________

బృందావనమిదె అందరిదీ
గోవిందుడు అందరి వాడేలే 

అరవిందలోచనుడు
అల్లరిమోహను డతడే .... 

అతడే....... అతడేలే....... ॥ 

గొల్లలగూడీ వెన్నలుదోచీ ,

పిల్లనగ్రోవిని మోవినిదాల్చీ 

అల్లరిచేతల ముద్దులమాటల ,

మనసులు దోచినదతడే ...

అతడే ..............  అతడేలే......... 

మురళి సరాగాల మధువుల దేల్చీ ,

ముసిముసి నవ్వుల ముదితల రోసి 

మనసున మధు సుమ మాలలు నింపిన 

నవరస మోహను డితడే ........ 

ఇతడే .......... ఇతడేలే ....... ॥ బృం దా॥

_______________________________

_______________________________

 "మోహన గీతం". 

---(మోహన రాగం )

పల్లవి -

రాధా మాదవ మోహనగీతం
మదిలో రేపెను సంగీతం
అనుపల్లవి .
________
మదురసుదారస మురళీగానం
పదగతులకు నదె లయసారం !! రాధా !!
చరణం .
__________
బృందావనమున అందాలొలికే
మందార మల్లెలు లేసుమ బాలలు
మధుర సుగంధాల మేలి ముసుగుతో
స్వాగతమిడెనదె చిరునగవులతో !! రాధా !!

కలువల రేడే కొంటె నగవుతో
మబ్బుల చాటున మరలి దాగెనే
కొమ్మల నడుమ కోయిల గీతాలు
కమ్మని కళల రాగాల సాగెనె
మోహన మురళీ నాదమె ఝుమ్మన ...
ఆ.......ఆ................. !!మోహన !!
ఆడెను రాధ అందెలు ఘల్లన !! రాధా !!
_____________________________

"ఎంత మధురమీరేయి ". 

_________________________

_పల్లవి.
________
ఎంత మధురమీరేయి ,
ఎంత మధుర మీహాయి ,
మదిలో పన్నీటీజల్లు
కురిపించినదోయి ...!! ఎంత !!
చరణం .
________
సరిగమల సప్తస్వర...
రాగ సుధల స్వర ఝరులు ,
మలయపవన మేళకర్త లా ..
మధురిమ వీచికలు !
జన్య,మన్య స్వరభేధపు
భావ,రాగ, లయ,జతులు
ఒకటై ,పద కవితై
నా రచనకు జత కాగ ..!!ఎంత !!

రాగ చాయ రంగరింప
రసమాధురి పొంగగా..
పల్లవి,అనుపల్లవి ..
చెలులష్థచెమ్మలాడగ !
అందెలు ఘల్లని మ్రోగుచు
చరణ గతుల నలరింపగ
అందమైన పాటగా...
ఆడపడుచు అడుగిడగా...!!ఎంత !!
______________________

కనుగొంటే- కనుగొంటి ". 

__________________________

 కనుగొంటీ -కనుగొంటీ

 కొంటె నంద గోపాలుని 

ఈ వసంత యామినిలో 

ఈ చల్లని రేయిలో ॥ కనుగొంటీ ॥ 

కమ్మని కోయిల పాడే స్వరములలోనా 

కొమ్మలచివురుల పూచే పోవులలోనా ..॥ 

ఆ నీలి మబ్బులతెర చాటున దాగే 

నెలరాజు దోబోచులాడేటి వేళా ॥ 

యమునానది తీరములో ..... 

బృందావని వాడలలో.......   ॥ 

కలువ కన్నె తలపులో 

మనసు రేపు వలపులో 

మురళీ మృదు రవళిలో 

వినిపించే మాధురిలో ..... 

లలితా మధుర అధరాల 

తేలియాడు నగవులలో...       ॥

_________________

________________________

   "మంజులమురళీ ". 

______________________________

మంజుల మురళీ గానముతో...

ఆనందపు డోలల వాహినిలో.... 

నంద -నందనుడు అల్లరిమాధవు -

డందరిమనసులు దోచెనదే .....       ॥ మంజుల॥ 

పొన్నలచాటున వెన్నెలమాటున

పొంచి పొంచి రేపల్లె కన్నియల 

మనసుదోచినాడే ..... సఖీ ......॥ 

మొహనుడెంత గడుసువాడే  .. సఖీ  ॥ మనసు॥  

ఓ ........... సఖి.......                        ॥ మంజుల ॥ 

గోవులుగాచే గోపబాలుడై 

వెన్నలుదోచు చిన్నారిపాపడై 

గోవర్ధన గిరి ధారుడై ,వీరుడై 

పల్లె దోచినాడే ... అందరి 

మనసు గెలిచినాడే --సఖీ.......  ॥ పల్లె ॥ 

ఓ ......సఖీ ----------   -          ॥ మంజుల ॥ 

పెదవులుతాకే పిల్లనగ్రోవినై 

పదములనలరు  చిన్నారి మువ్వనై 

గోకులమందున గోపకాంతనై 

నిలిచి మురవనీవే ---నాకీ 

వరమునొసగమనవే ---సఖీ ....  ॥  నిలిచి ॥ 

ఓ ---------------సఖి                ॥ మంజుల ॥
__________________________________

_________________________________

          " మురళీ గానము ".
------------------------------------

మురళీగానము వినపడినంతనే 

మనసున మల్లెలు విరబూసే 

మరలా మరలా విని తరియింపగా 

మనసున కోర్కెల మధుబాలా 

అల్లరిచేసెను ఈవేళా ........ ॥ 

మనసే మల్లెల పూబాలై ... 

మరలిపోయేనే బృందావనికీ ... 

యమునా తాటిపై అలల సవ్వడినై 

వీచేగాలిలో వలపు గంధమై 

ఆ మాధవునీ అందెల రవళై ... 

అల్లుకుపోతిని లతనై ,గతినై .. ॥ మురళీ ॥ 

మురళీధరునీ రవళిని పలికే.. 

స్వరసంగమమై  మధురనాదమై 

అధరసుధారస మధురాంకితమై 

రసమయకేళీ రాగారంజనై 

పలికితినేనే మురళీరవమై ॥ 

పరవసినైతిని వలపులచెలినై ..॥  మురళీ ॥ 

______________________________

_____________________________

"వెన్నెల్లో విరిసింది ... 

______________________________

వెన్నెల్లో విరిసింది బృందావనం ..నా 

మదినిండు పూలతల నందనవనం ॥ 

కొమ్మలపైన కోయిల గానం 

చిగురులన్నీ తొడిగిన తానం 

మనసులెన్నో దోచినగానం 

మాధవుని ఆ వేణుగానం ॥ 

యదను తాకి వ్యధను బాపి 

సుధలు పంచే సోమపానం 

కదలు యమునాతటి సరాగం 

కధల కవితల కావ్యసారం ॥ 

పల్లవించే పూల అందం 

పిల్లగాలై వీచు గంధం 

పలుకుతేనెల తీపి అందం 

మాధవుని ఆ వేణుగానం ॥ 

తళుకు తారల కాంతుల నడుమ 

వెలుగు వెన్నెల కురిసిన రాగం 

కలువ కన్నుల గోప కాంతుల 

మనసులెన్నో దోచిన రాగం 

అణువూ అణువూ నాదవినోదం 

మాధవుని ఆ వేణునాదం  ॥   వెన్నెల్లో  ॥ 

__________________________

"వినిపించారా కన్నా.". 

(అలైపాయుదే .. కణ్ణా .  వరస .)

(__కానడ రాగం __)_____

వినిపించరా ...కన్నా..... 

గానము వినిపించరా .......... 

____________    వేణుగానమదె 

________మోహన వేణుగానమదె 

___ఆనంద మోహన వేణుగానమదె 

పరమానంద మోహన వేణుగానమదె ॥ వినిపించరా ॥ 

మనసారగనిను మదితలచితిరా ॥ మన ॥ 

దీనపాల ఘన నీలమేఘశ్యామా _

మనోహర మురళి గానమదె ....॥ . వినిపించరా  ॥ 

నుదుట కస్తూరీ సిగపింఛముతో 

వదనకమలమే  నగవులీనగా ..

అదె  వేణునాదమె జగముల మరిపించ 

కళలస్వరూప కరుణారస మోలుకగా 

తరిత్త- తకదిమి తథై ధితై .. 

తాళపు గతులకు నాట్యమిడి --ఆ 

సరస్సు దాగిన శిరస్సు నణచగ 

కాళీయునిపై పదమునిడీ 

మురహర గిరిధర కరమురళీధర 

నటనలనఘముల హరియించరా 

శ్రిత సన్నుత శ్రీకర స్మితసిత సుందర 

నతజన పరిపాల ననుబ్రోవరా ... 

నాదరూప ఘన లీలామయా .. 

గానలోల హరి గోపీప్రియా ... 

నను గనరా... మొరవినరా.... 

శరణు శరణు హరి శ్రితపాలా... 

ఒదలలేను నిను మదిని బాయకను 

మరిమరి తలచెద మురళి మనోహర  ॥  వినిపించరా...॥ 

__________________________________ 

___________________________________

 

మాధవా మనోహరా .. 

     (బేహాగ్ రాగం )

________________________

మాధవా మనోహరా....  మంజుల మురళీధరా ... 

బృందావన సుందరా ... రాధా మన మందిరా ....॥  మాధవా ॥ 

నంద నందన లాలా .... యాదవకుల గ్వాలా 

గోపీజన లోలా ...... గోకులప్రియ బాలా...           ॥  మాధవా ॥ 

సిఖిపించ జటాధరా ... సుఖ సాగర శేఖరా .... 

సఖ మునిజన మందిరా ....శ్రిత శుభకర శ్రీకరా ...॥  మాధవా ॥ 

____________________________________________

______________________________________________

గోపాల బాలుడమ్మా .... 

_________________________

గోపాల బాలుడమ్మ 

గోపీమనమోహనుడీతడు 

గోవర్ధన ధారుడు  వీరుడు 

మా బాలుడూ ... 

గొల్లవాడు నల్లనివాడు .. 

గోవులెన్నొ తోలినవాడు 

రేపల్లెకు వన్నెలు తెచ్చిన 

మా బాలుడూ ....॥  గోపాల ॥  

చిన్ని చిన్ని అడుగుల ఆటల 

అల్లరెంతో చేసినవాడు ........ 

చిన్ని వేణువూదీ అందరి 

మనసు దోచు వన్నెకాడూ ॥ 

కాళీయుని అణచినవాడూ 

రాసకేళి రసికుడు వీడు 

రాణి రాధ లోలుడు

జగములేలు దేముడూ ...   

విరిసే సుమ గంధము తోడు 

బృందావనికందమువీడు.... 

అందాల పున్నమరేడు 

మా బాలుడూ ........... ॥    గోపాల ॥  

______________________________

______________________________

 "నందా ..ఽ ఆనందా".... 

     (_తిలంగ్ రాగం _)

___________________________

నందా ఆనందా ..

హే నంద నంద గోపాలా 

ఆనంద నంద , యదు నంద నందనా 

భువన లోక పాలా.....॥  నన్దా.... ॥ 

నీలమేఘ శ్యామలాంగా ... 

శ్రీవత్స కౌస్థుభాంగా 

తులసీ సుగంధ వనమాలికాది 

సుమహార శోభితాంగా ....  ॥    నందా ॥ 

బృందావన విహంగా 

గోపీజనాంతరంగా ....... 

మురళీ ధరాబ్జ కమలా కటాక్ష

కరుణాంతరంగ    రంగా ...    ॥ నందా ॥ 

గీతా సుబోధితాంగా 

ముని ధ్యాన్న హృదయ బృంగా 

కంసాది దమన దురితాది శమన 

కలి దారుణాది భంగా ......  ॥  నందా ॥ 

____________________________

______________________________

 "నంద బాలం.... ". 

__________________

నందబాలం యదు నందబాలం 

గోపీజన మునిమానస హృదయ లోలం ॥ 

శ్యామ సుందర మదనమోహన 

రాధే గోపాలం ........

మృదు మురళీరవ రంజిత 

కేళీ విలోలం ...........॥  నంద ॥ 

కోటిమదన సుందరాంగ 

సుందర సుకుమారం 

హాటిక చేలాంచల -నవ 

తులసీ వనమాలం ....॥ . నంద ॥ 

పదకింకిణీ రవరంజిత 

మర్ధన కాళీయం .....

గోవర్ధన గిరిధారీ 

గోకుల ప్రియ బాలం ....॥ . నంద ॥ 

___________________________

_____________________________

 "రంగా శ్రీ రంగా.... "

__________________________

రంగా శ్రీ రంగ రంగ రంగా .... 

సంగీత మృదు తరంగా  .... 

శ్రీ లక్ష్మి సాంగ గరుడా తురంగ 

కావేటి రంగ రంగా...       ॥ . రంగా ॥ 

నీలమేఘశ్యామలాంగా 

ఫాలలోచనా శుభాంగా ... 

క్షీరాబ్ధి వశన , ఫణిరాజ శయన 

సుర దేవతాది వంద్యా ...   ॥ .రంగా  ॥ 

ఘన వక్ష కౌస్థుభాంగా 

కనకాది భూషితాంగా 

కర అభయ ముద్ర , కరుణా సముద్ర 

సనకాది సన్నుతాంగా       ॥ ..రంగా ॥ 

___________________________

____________________________

"మధువులుచిందే... "

____________________

మధువులు చిందే 

మోహన మురళీ 

రమ్మని పిలిచేనురా ..రవళీ  

నా మది దోచేనురా ........

ఆధార సుధారస 

మధువుల తేలి 

అదమరపించేనురా  ... 

నన్ను.. మైమరపించేనురా ... 

బృందావనిలో యమునాతటిదరి 

కదలినరాగాలు మధురసరాగాలు 

యద ఝల్లనగా రమ్మని పిలువగ 

ఆ.............. ఆ......... 

నీదరి చేరేనురా ... నిలుమా 

నేమరి నీదానరా ..... కనుమా.. 

కృష్ణా .......... కృష్ణా ........ 

____________________

________________________

వెన్నెలు కురిసిన వేళలలో...

        వసంతగీతాలు .   

-----------------------------   

          స్వప్నగీతం   . 

______________________

వెన్నెల  కురిసిన వేళలలో, నా

కన్నులు కాంచిన స్వప్న మిదే 

కమ్మని ఊహల మధురిమలే  రా 

రమ్మని పిలిచెను గీతికలై ... 

నవ్వుతూ పాడనా . నే కోయిల గీతికనై ॥ 

కళకళ సొగసుల జాబిలినై , తారల నడుమ చరించనా 

కదలే మేఘ మాలికనై  నీలాకాశంలో విహరించనా 

ఏడురంగులా ఇంద్ర ధనుసునై , దివిలో కాంతులు వెదజల్లనా 

మేఘం వెనుక దాగిన చినుకై చిరుజల్లుగా నే వర్షించనా  ॥ వెన్నెల ॥

ఆమని ఎదలో కోయిలనై  వసంత గీతం పలికించనా 

సాగే ఏరుల గలగలనై .. నే ...చిరు సడి అలనై ఉప్పొంగనా 

వీచే గాలి వీచికనై  సుమ అందాల గంధాలు దివి పంచనా 

పైరు పచ్చని సింగారము నా కవిత కన్నియకు అలరించనా ॥వెన్నెల ॥ 

సప్త స్వరాలకు సరిగమనై  సంగీతికి శృతి-లయ నేనౌదునా 

ప్రకృతి  పడతితో పదములు కలిపి అందెల సవ్వడి వినిపించనా 

భావ-భంగిమల ,నాట్యపు గతులను జతినై -గతినై ఆడించనా 

ఓంకారములో ప్రణవము నేనై విశ్వమంత నే విహరించనా ॥ వెన్నెల ॥ 

_____________________________________________

            మానసగీతం . 

_______________________

చిగురులు తొడిగిన కొమ్మల నడుమ కోయిల పాడిన గీతాలే ...... 

మనసున మల్లెల మధురిమ నింపగ  నా మది పాడెను గీతాలై ,....... 

ఆమని నింపిన  పచ్చని  చిగురులు ఏమని గుసగుస లాడినవీ 

ఎగిరే పక్షు లు  కిలకిల రవమున సంగతి ఏమని అడిగినవి ॥ 

నీలాకాసం మబ్బుల్లో 

వెన్నెల కాంతుల జాబిల్లీ 

తళుకు తారలా కన్నెల మదిలో

 రేపెను ఏదో అలజడి ........ 

వెన్నెల రాజుని ఆ కళలే

 కలువ కన్నియల కలవరము 

మారుడు వలపుల పూల శరముతో

 వచ్చెను చెలుడై ఆ క్షణము 

పూల ఋతువతని వలపు ధనం .     ॥ 

నెమలి కన్నియలు నెమ్మది అడుగుల 

నాట్యపు సిరి పురి  విప్పినవీ 

బెదురు  చూపులా జింకలు తడబడి 

అదిరి అడుగులను వేసినవీ 

చల్లని గాలుల వీచికలే

అడవికి పూసెను సుమ గంధం 

అల్లరి ఆటల ప్రకృతి పడతులు 

నా మదికేసెను ఒక బంధం 

చెలిమి చేరువల అనుబంధం ॥ చిగురులు ॥ 

_____________________________

            ప్రక్రుతి తో పయనం . 

_______________________________

చల్లగాలి వీచు వేళలో మల్లెపూల మత్తు వసంతం 

కోయిలమ్మ పాటలో రవం ,నిండు హాయి నిత్య వసంతం 

పరుగుతీయు మనసు ఆ పరుగుతోడి వయసు 

పయనించు ప్రభల పరుగుల స్వప్నం .. 

ఆహ్హ  హహ్హా ...............                              ॥

కన్నె మనసు కవిత ఆ కవిత లింద్రధనుస 

ఆకాసమంత కలల తారలే .. అహ్హహహ్హ  

తారలన్ని మెరిసే చిరు వెన్నెలల్లె కురిసే 

ఆ చందమామ కళల కధలులే ... 

మబ్బుచాటు మేఘం నా మనసు ఒక చకోరం 

తోలి చినుకు తడికి పడెను ఆరాటం .అహ్హహహ్హ..॥

ఇలలోని అందమంతా నా పాట పల్లవంట 

జలజలల రాగ ఝరుల సందడే ..ఽహ్హహహ్హ .... 

చిన్ని చిలుక జంట ,పచ్చన్ని చేలపంట 

నా మధుర గీతి నిండు పదములె.... 

చిరుగాలి వెంట పయనం ,కెరటాల నడుమ గమనం 

భావాల అలలు తేలు  గమ్యమే  అహ్హహహ్హ     ॥ చల్లగాలి॥ 

మనసంత మధుర భావం మదినిండ రసపు పానం 

అది పండు వెన్నెలంత తీపిలే ....హహ్హ 

పూలు సౌరభాల నిలయం, చిరు చినుకు మొలక ప్రాణం 

తలపించు  వేయి  హాయి తలపులే .... 

సంగీత స్వర విహారం ,సరిగమల సఖుల సాయం 

సరదాలు చిందు రాగ మధువులే .ఽహ్హహహ్హ ... ॥

____________________________________________
______________________________________________
               

               "  ఈ.. క్షణం ". 

___________________________________________

 ఏదో ఒక రాగం పలికింది  ఈ క్షణం నాలో 
ఏదో .........  అదీ .......
మదిలో ఒక భావం మెదిలింది ఓ  క్షణం నాలో
ఏదో   ......... అదీ ........

ఆ రాగ భావాల అలలే మది సాగు తీరాల కళలై
మరుమల్లెలై , విరిజల్లులై , పులకింతలై  
చేసే...... సడీ ...
సరిగమ  సందడీ .......  

రాగాలే హరివిల్లై ,ఆ భావాలే పూజల్లై
మది వెన్నెల్లు  కురిపించెగా    ఆ హాహాహా .....
పదములే పాటకు ప్రియమై , సరిగమలే గీతికి లయలై
స్వర -రాగాల జత పంచగా.......
ఆ చరణం వెన్నెల కిరణం ,ఆ కిరణం పాటకు భరణం
ఓమ్ కారమై శృతి సారమై ఆలాపనై....
వినిపించెగా.. వీనుల విందుగా .........;.

వీచే గాలులె స్వరమై ,తలలూచే పైరుల గళమై
వినిపించేను ఒక గీతమై.... ఆహాహాహా
చినుకు తడికి  అందాలే ఆ చిన్ని చిగురు బంధాలై
వికసించేను సుమ గంధమై .......
పలికేటి పాట పల్లవులే వికసించు పూల పుప్పొడులై
కవ్వింతలై ,  తుళ్ళింతలై  పయనించెగా ...
సుధ పంచగా తుమ్మెద జంటగా ......
___________________________________
___________________________________

          "ఓ చంద మామా". 

_________________________

నీలాల ఆకాశం లో ఓ చందమామా 

మబ్బుల్లొ దాగి దాగి మాటేయకూ ...మా 

కన్నుల్లో కల ,కలతీపీ చెరిపేయకూ ....

మెరుపు మేఘాల తప్పెటలూ 

కురియు చినుకుతడి ముచ్చటలూ 

రంగులు నింపెను  హరివిల్లు

ప్రియమైన జంట కిల బంధాలు 

నింగి నీలాల వాకిళ్లు 

ప్రేమ పాశాల పరవళ్ళు 

మురిసేటి తారల చెలులను కవ్వించకూ 

మురిపాల ముద్దుల వెన్నెల దాచెయ్యకు ॥ 

చూపులకందని అందాలు 

మదిలో వేసెను బంధాలు 

భావం నిండిన భంగిమలూ  -

రాగాలై పలికెను సరిగమలూ 

కలువల కన్నుల కళ కళలూ 

విరిసే నవ్వుల కిలకిలలూ 

ఆకాసం అంచుల నడుమ అడుగేయకూ 

నువ్వు నీడల్లే అందరి మనసూ దోచెయ్యకూ ॥ 

_____________________________________
_____________________________________

" గున్నమావి చెట్టుమీది కోయిలమ్మా.". 

_____________________________________________

పల్లవి ;

-----------
గున్నమావి చెట్టు మీది కోయిలమ్మ
చిందులేసి నువ్వు పాట పాడవమ్మ !!
అనుపల్లవి
----------
కొమ్మ,కొమ్మకో పలకరింత , నీ
పాటవినగ మది పులకరింత !!
గూటిలోన గువ్వజంట చూడు , పురి
విచ్చుకున్న నెమలి కన్నె చూడు ..
వింత వింత రాగాలు ,
గొంతులోన పలుకు నేడు
పంతమీడి పాట పాడవ !! గున్నమావి !!
చరణం .
---------
కుహూ కుహూ రాగాల గీతులే
సరాగ సంగమ మధురిమలై
ఊహలలో కవి పదములలో , కడు
ప్రేమసందేసాల సరిగమలై
ఉషోదయపు రవి కిరణాలే , తడి
మంచుబిందువుల తళుకులుగ
కురవనీ..అలా మెరవనీ...
పుడమి కళలు కాంతి నాదమై నిండిపోనీ !! గున్నమావి !!

నీలాకాశం మబ్బుల్లో ..
విహరించే శ్వేశ్చా విహంగమై
గలగల పారే సెలయేటా
తేలే చిన్నారి తరంగమై
వీచే గాలి తెమ్మెరవై ...నువు
పూచే పూల పుప్పొడివై
సాగిపోవా.....గానమందుకోవా...నీ
గొంతులోని తీపి ఇలను నింపరావ !!గున్నమావి !!
---------------------------------------------
_______________________________

 "కొమ్మమీది కోయిలమ్మ"

_________________________________

పల్లవి .
__________
కొమ్మమీది కోయిలమ్మ కుహూ అన్నది
నా మనసే పరవసించి ''ఆహా'' అన్నది !!

అనుపల్లవి .
____________
రాగాలా .. సరాగాలా.. ఆ.......
సప్తస్వర సుధలతో ..
పూబాలలు తలలనూచె
వేయి కళలతొ ...!! కొమ్మమీది !!
చరణం.
_________
కన్నెవాగు గలగలమని పారుచున్నది
కలువభామ సిగ్గుతెరల ఒదిగియున్నది !
తారలనడుమ..వలపు గుసగుస వినుమ
వెన్నెలరాజుని కొంటెతనపు వేడుకగనుమ !! కొమ్మమీది !!

చిరుగాలిలొ పయనించే సౌరభాల మధురిమ
వెన్నెలలో విహరించెను పుష్పబాణుడదెసుమ !
ఆడుచు జతుల, గతుల నాట్యపు రతుల
మదిని మరుమల్లెల మత్తు శరము నొదిలె చూడుమ...!! కొమ్మమీది !!
________________________________________________
______________________________________________

""మధుమాసం- మనకోసం . "

_____________________________________

  పల్లవి.

_________
మధుమాసం ప్రియా మనకోసం
తెచ్చెనులే వసంతమే పూల పరిమళం !! మధు !!
చరణం .
________
పూబాలలు నిలిచెరదిగొ ఇంద్రధనుసులా..
మలయపవన వీచికలివె వీచె హాయిగా..!
మధుపమొకటి మధురగీతి పాడె మత్తుగా..
సుధలుచిందె చందమామ మనసు నిండగా..!!మధు !!

సుమశరుడె వచ్చెనదె వలపురేడులా..
పూలరుతువుకధిపతికద చూచెవాడిగా..
తలలనూచె సుమబాలలు కలలు నిండగా..
నా ఎదురుగ నీవుండగ కనుల పండగా..!!మధు !!

కొమ్మమీద కోయిలమ్మ కూసె హాయిగా..
గూటిలోన గువ్వజంట ఊసులాడెగా..
పురివిప్పినె నెమలి ఆడె కళలు నిండగా..
నా మనసే పాట పాడె నిన్ను కలుయగా..!! మధు !!
___________________________
______________________________

"జాలిలేని కోయిల". 

______________________

జాలిలేని కోయిలా గానమాపుమా 

ఈ వసంత యామినిలో పాడనీయుమా ,నన్ను ॥ జాలి॥ 

తడవు తడవునకు నాతో ,గొంతు కలపబోకుమా 

తగదు తగదు నీకు చొరవ శృతుల నెంచబోకుమా 

వలదు తాళ, లయలమాట భావమెంచి చూడుమా 

గొంతు లోని పలుకు బాధ వీచిక గమనించుమా ॥ జాలి॥ 

మదినికోరి మలచు కొంటి మంచి గీత మెంచుకొంటి 

మధురమైన సంగీతపు మాధుర్యము నెరుగగంటి 

మేటి ఋతు వసంత మెంచి నీదు సాటి పాడనుంటి 

మూగదైన గొంతు మీటి స్వరజతులను పాడుచుంటి ॥ జాలి ॥ 

______________________________________

_____________________________________________

 

         "నవ్వవే కోయిలా".

____________________________________

నవ్వవే రాతనాలా కోయిలా 

రువ్వవే రాగాల ఝల్లిలా ...... 

నీలా నేను పాడాలనీ , రస రాగాలాపన చేయాలనీ 

జతగా నీతో జతులను కలిపీ పల్లవి పాడే పూబాలనీ ॥ నవ్వవే ॥ 

చక్కని చిక్కని రాగాలూ ,మదురిమ లోలికే గీతాలూ 

చక్కిలిగింతల అరుణిమలొ ,ఎగసిపడే తరు అందాలూ 

అల్లరి చేసే మధుబాలా ,నను చక్కగ  పిలిచెను ఈవేళా .. ॥ 

సప్త -స్వరాలా స,రి,గ,మలూ ,మత్తు వసంతాల స్వరఝరులూ 

గుర్తు గులాబీల పదగతులూ ,కొత్త తరంగాల పదనిసలూ 

కవితకు పదమై ,గీతికి లయనై ,నీలా పలికెదనీవేళా ॥ నవ్వవె ॥ 

__________________________________________

_____________________________________________